المساعد الشخصي الرقمي

مشاهدة النسخة كاملة : معادلة كلية الهندسة



eng_yaseer
08-24-2013, 08:20 PM
موضوع مهم اوي لكل طلبة الدبلومات الصناعي نظام ثلاث سنوات ودبلومات نظام الخمس سنوات
وكمان المعاهد الفنية الصناعية او الجامعه العماليه شعبة تكنولوجيا والمعهد الفني الصحي (شعبة اجهزة طبية)
وطلاب مدارس مبارك كول والتلمذه الصناعية ومعهد السالزيان و الدون بسكو


الكلام دة اسمة معادلة كلية الهندسة عشان ندخل كلية الهندسه


حد هيكلمنا علي معادلة الهندسة


الجميع نفسه يعرف شروط معادلة كلية الهندسة (http://www.eng-elnour.com/11.html) والمواد اللي هندرسها


المعادلة عباره عن اقامة مسابقة بتتعمل في كل سنه فى كلية الهندسة جامعة القاهره ويكون بالاتفاق مع المجلس الاعلي للجامعات
الهدف منها هو توفير فرصة لطلاب المدارس والمعاهد بشروط معينة في الالتحاق بكليات الهندسة الحكومية


والشروط هي كلاتي


:طلاب الدبلوم الثلاث سنوات يكون حاصل علي مجموع 70% (عملي + نظري)


:طلاب الدبلومات الخمس سنين يكون ناجح


:طلاب

المعاهد الفنية الصناعية
:طلاب الجامعه العماليه شعبة تكنولوجيا
:طلاب المعهد الفني الصحي (شعبة اجهزة طبية)


بردو يكون ناجح


ملحوظة

هامة اوي اللي ناوي يقدم الامتحان المعادلة

لازم يكون حاصل علي الشهادة خلال ثلاث سنوات من سنة التخرج


ملحوظة مهمة كمان

ان اللي ينجح في كل المواد ولو بتقدير 50% في كل مادة يدخل كلية الهندسة

مباشرة والتابعة لاقرب مكان لسكنه


وايه الاماكن اللي ممكن ندرس فيها المعادله
او حتي المسابقه لمعادلة كلية الهندسة عباره عن ايه وان شاء الله هجاوب علي كل نقطه وكل استفسار وكل سؤال فى هذا الموضوع عشان يكون مرجع للجميع وان شاء الله بالتوفيق لينا وليكم


ما هو منهج معادلة كلية الهندسة (http://www.eng-elnour.com/25.html)؟


هي نفس مقررات الثانوي العام مع الاختلاف في طرق الحل وكمان اللي بيضع الامتحان دكاترة من كلية الهندسة


1:- رياضة عامة ودي عبارة عن مادة الجبر ودي بتبقى اول مادة بتمتحن فيها


2 :- الفيزياء منهج الثانوية العامة


3 :- الميكانيكا

(استاتيكا وديناميكا) وبردو دة منهج الثانوية العامة


4:- رياضة خاصة ودة بقي بيكون التفاضل والتكامل والنهايات و.......


5 :- الانجليزي لطلبة الدبلوم 3 سنين فقط يعني في المعادلة المعهد ما يدرسوه وبيكون مجرد قواعد بسيطة في اللغة وبيكون امتحان سهل


درجة النجاح لو نجحت فى جميع مواد معادلة كلية الهندسة بمجموع 50% هتقدر تدخل كليه الهندسه وتكون مهندس ان شاء الله


المعادله بتكون كل سنه عقب انتهاء ظهور نتائج الدبلومات والمعاهد


يارب اكون فيدكوا يا شباب واي استفسار اسالوا

ماندو الشرقاوى
12-06-2014, 12:50 AM
مشكووووووو وووووووووو وووووور