المساعد الشخصي الرقمي

مشاهدة النسخة كاملة : المضارع البسيط يا سعاد



SMSM
06-26-2009, 02:09 PM
أول ما دخلت كلية تربية قالوا لي: اختار قسم إنجليزي..
ليه يا جدعان؟؟
قالوا: عشان مستقبله مضمون، وفلوسه حلوة، ودروسه حلوه ... احم .. احم.. كده يعني..

وطبعاً صدّقت، ودخلت القسم، واجتهدت.. وبغضِّ النظر عن إني مارحتش الكلية إلا أيام

الامتحانات ، وإني أصلا ماعرفش الدكاترة شكلهم إيه.. وإني عمري ما اشتريت كتاب

ولا مذكرة ولا شِيت ولا أي حاجة.. هتسألوني طب ازاي نجحت بعد ده كله؟؟

بصراحة ده سؤال محتاج نعمل كده قعدة رجالة، ونربّع رجلينا، ونقعد نحلل الموضوع؛

لأن أنا أساساً مش عارف!!

المهم نجحنا وعدينا الحمد لله.. وطبعًا لما اتخرجت اكتشفت إن كل حاجة زي الناس ما

نصحوني بالظبط.. ما شاء الله المستقبل مضمون.. قاعد في بيتي مرتاح.. وفلوسه

حلوة.. ما شاء الله لسه عايش على الإعانات.. وبناته حلوة.. وطبعا كلهم اتخطبوا أو

اتجوزوا ما عدا أنا.. يعني من الآخر ماستفدناش حاجة بالقسم.

كان الطبيعي إني أشتغل في المجال بتاعي.. وبما إن ما شاء الله الحكومة بتعين ولد واحد

وبنت واحدة كل تسع سنين.. فما كانش فيه نصيب إني أشتغل في مدرسة رسمي.. فكان

البديل الطبيعي هو الدروس الخصوصية.. ومحدش يقول لي: الحكومة بتمنع الدروس

الخصوصية.. اللي عايز يفصلني يروح يفصلني.. مش فارقة معايا.. ما أنا مش في مدرسة أساساً!!

شاطرين بس كل يوم يقولوا: تم تعيين تلاتين مليون شاب.. وبكرة تصريح تاني:

تم تعيين أربعين مليون شاب!!.. مش عارف هما بيعينوا في بلد تانية وللا إيه؟؟

لو الأرقام دي صح يبقى الصين كلها اتعينت عندنا يا جدعان!!

المهم.. قاعد لا بيّ ولا عليّ.. أخويا جِه، وقال لي:

جايب لك (سبوبة) حلوة..

خير يا عم؟؟

درس زي الفل.. وبمبلغ محترم، وفي البيت.. يعني لا طباشير ولا بتاع.. وبنت كمان

يعني مش هتتعبك.. وف تالتة إعدادي يعني فاهمة إنجليزي كويس..

والله المواصفات دي تمام.. لو يبقى فيه إشعال ذاتي يبقى كده زي الفل صحيح!!

وصف لي البيت.. رحت.. طلعت لي مامتها..

أنا الأستاذ..

اتفضّل..

فوطة ع السريع تنضف بواقي المسقعة والفجل والجرجير وفتافيت العيش من على

ترابيزة العلم.. وزعافة سريعة عشان تنضف بواقي العنكبوت من على السقف..

ومسّاحة سريعة عشان تمسح بواقي المَية اللي وقعها المحروس الصغير.. وفتحة كبيرة

في ستارة الأوضة عشان الجيران يعرفوا إن بنتهم بيجيلها مدرس خصوصي لحد

البيت.. (نصلك أينما كنت).. طبعاً ما دام إنت هتدفع مصاريف الشحن!!

دي تقاليد أي درس خصوصي مصري!!

ـ يا "سعاااااااا ااااااد".. تعالي يا بنت.. الأستاذ وصل..

"سعاد" وصلت.. وطبعا انحنت عشان تسلم عليّ وده مش احترام خالص..

ده عشان هيّ أطول مني حضرتك.. وقعدت..

ـ عارفة إيه في الإنجليزي يا "سعاد"؟؟

ـ عارفة كل حاجة يا أستاذ..

ـ طب أمشي أنا يعني؟؟؟

ماشي يا "سعاد".. طب تعالي نقرأ الجملة دي..

ـ Ahmed and Ali…………

لسه ماكملتش الجملة ولقيت البنت ظهر عليها أعراض البله المنغولي، والقرف

والاشمئزاز من الجملة المذكورة..

ـ خير يا "سعاد"؟!

ـ هيّ (and) يعني إيه يا أستاذ؟؟

ـ نعم؟؟ دا أنتِ في تالتة إعدادي، يعني بقى لك حوالي تسع سنين من غير حضانة

بتدرسي إنجليزي؟؟ دا أنتِ المفروض تتلخبطي في "أحمد" و"علي"، ومتتلخبطيش فيها

دي.. يعني كلمة واقفة مشلولة بين "أحمد" وبين "علي" تبقى إيه؟؟

ردت بعد تفكير "أحمد ز*** في الفمتو ثانية": أكيد (و) يا أستاذ!!

ـ ما شاء الله.. قولي لي بقى.. تعرفي إيه عن المضارع البسيط؟؟

ـ أعرف كل حاجة عنه يا أستاذ..

ـ برضه؟؟ طب المضارع البسيط بيعبّر عن أي زمن يا "سعاد" يا شاطرة؟؟

ـ بيعبر عن الماضي يا أستاذ!!

ـ يا بنتي هو اسمه المضارع البسيط.. المضااااار ع.. هيعبر عن الماضي ازاي؟؟

ـ ردَّت بكل فلسفة، وهي مغمضة عنيها نُص تغميضة: مش كل حاجة بتطلع زي اسمها يا أستاذ!!
ـ يا ما شاء الله.. يا ما شاء الله..

فجأة تدخل أمها: إيه رأيك يا أستاذ في مستوى البنت؟؟ شفت مستواها؟؟

أنا: طبعا.. عرفت كل حاجة عنها يا أستاذة!!

ردت الأم: والله يا أستاذ يا ريت بس تشد حيلك معاها، أصل بنت خالة ست عم جوز
عمتها دخلت السنة اللي فاتت كلية طب.. ومش عايزين درجة واحدة تنقص..

رديت بكل انفعال: اطمني يا أستاذة.. بنت حضرتك هتروح رحلة لأوربا مع أوائل

الثانوية العامة وهيّ في لسه في إعدادي كمان!!

دي عارفة كل حاجة عن كل حاجة!!

وطبعا دي كانت آخر مرة أدخل فيها البيت أصلاً!!

Mohammed Redwan
06-26-2009, 02:20 PM
:m07:
:m07:
:m07:

والله ياسعاد إنتي عيشتك ع الدنيا دي حرام

هاهاهاهاها هاهاهاها

ومش إنتي بس

إنتي و الأستاذ بتاعك

لذيذة جدا يا SMSM

http://www7.0zz0. com/2009/05/19/22/869258736. gif (http://www.0zz0.c om)

Moo0oon Light
06-26-2009, 02:33 PM
هههههههههه ه سعاد دى شكلها بريمو ههههههه

رائع يا سمسمه

لؤلؤه المحيط
06-26-2009, 02:43 PM
هههههههههه ههههههه
جميله يا smsm

Mr.Gawad
06-26-2009, 03:30 PM
هههههههههه هههههههه
بااقولك ماتسيبى لى سعاد وانا اتفاهم معاها احسن يعنى باصى لى واباصيلك
واهى سبوبة وللقمة عيش حلوة هههههههههه ههه
اظن انت قررت ماتشتغلش دروس تانى خالص انت اتوكل على الله واشتغل .........ه هههههههههه هههههههههه هه

كرومبو أون لاين
06-26-2009, 05:49 PM
هههههههههه هههههههههه هههههههههه هههههههههه هههههههههه هههههههههه هههههههههه هههههههههه هههههههههه هههههههههه هههههههههه ههههههههه

هيرمونى جرينجر
06-26-2009, 08:12 PM
هههههههههه . يا سعاد دى بتفكرنى بغبى منه فيه . جميل يا سمسم

SMSM
06-27-2009, 12:21 PM
:m07:

:m07:
:m07:


والله ياسعاد إنتي عيشتك ع الدنيا دي حرام


هاهاهاهاها هاهاهاها


ومش إنتي بس


إنتي و الأستاذ بتاعك


لذيذة جدا يا SMSM



http://www7.0zz0. com/2009/05/19/22/869258736. gif (http://www.0zz0.c om)




هههههههههه ههه اهى هتروح وتريح الدنيا منها
Mohammed Redwan
ميرسى جدا عالمرور

SMSM
06-27-2009, 12:22 PM
هههههههههه ه سعاد دى شكلها بريمو ههههههه

رائع يا سمسمه

هههههههههه ه عرفتى منين

ميرسى moon light

SMSM
06-27-2009, 12:24 PM
هههههههههه ههههههه
جميله يا smsm


ثانكس يل لولو نورتى التوبيك ياقمر

SMSM
06-27-2009, 12:30 PM
هههههههههه هههههههه
بااقولك ماتسيبى لى سعاد وانا اتفاهم معاها احسن يعنى باصى لى واباصيلك
واهى سبوبة وللقمة عيش حلوة هههههههههه ههه
اظن انت قررت ماتشتغلش دروس تانى خالص انت اتوكل على الله واشتغل .........ه هههههههههه هههههههههه هه

هههههههههه هههههه خلاص هتفق معاه عالموضوع دا ههههه

ميرسى يامستر حضرتك منور

SMSM
06-27-2009, 12:32 PM
هههههههههه هههههههههه هههههههههه هههههههههه هههههههههه هههههههههه هههههههههه هههههههههه هههههههههه هههههههههه هههههههههه ههههههههه


ثانكس عالمرور

SMSM
06-27-2009, 12:39 PM
هههههههههه . يا سعاد دى بتفكرنى بغبى منه فيه . جميل يا سمسم


هههههههههه هههههههههه اااااااااا اااه افتكرتها

سمر سمير
06-28-2009, 11:27 AM
موضوع رائع جدا ويارب ما بكون فى المنتدى اى سعاد