رئيس سابق رئيس حالي
ويفضل حالي على حالي
لايوم فكرت اقول مالي
ولا فكرت اقول جيبي خلاص خالي
مدام في رئيس كمان حالي
بيوعد كل يوم وعد واقول هينصلح حالي
ويفضل وعد يوم على وعد واتاري حالي مش حالي
>>>--------------****--------------<<<
يسوء الحال ويزيد الفكر في الترحال
ونفضل نتوهم بجمال
نشوف مآسي تهد جبال
ويوم ما نسافر على بره
نلاقي الحال هو الحال
>>>--------------****--------------<<<
وفي بلادي
لا فيه جوه ولا بره
ولا سكر ولا مره
ولسه مصر مش حره
>>>--------------****--------------<<<
بتقولوا ايه ... هتعملوا ايه
مظاهرة ايه ... وعلشان ايه
>>>--------------****--------------<<<
ماخلاص فهمت فحواكم
ايوه خلاص انا معاكم
ايدي في ايدكم ووياكم
>>>--------------****--------------<<<
هنبني ايه ... ونزرع ايه
نعمر ايه ... ونجني ايه
>>>--------------****--------------<<<
ودايما عمرنا فداكم
ويوم عن يوم يزيد الحال
وتبقى يا مصر يا بلادي بدون رحال
ونرجع تاني من الاول
نقول كان الرئيس موال
بيعشق في الحياه ماله
واهله كلهم حاله
ولما في يوم تسأل ..كام مواطن انصلح حاله
>>>--------------****--------------<<<
تلاقي كلام بعلو الصوت
في مؤتمرات
في الندوات
على الاذاعات
ساعدنا نغير الماضي
يا نرجع تاني للقاضي
ونرفع دعمنا ليكم
نسيبكم تمدوا ايديكم
>>>--------------****--------------<<<
ما خلاص بقى الحاجة
تخلينا نفتكر حاجة
ودايما بيوتنا محتاجة
>>>--------------****--------------<<<
ما بين العيش
ونوم على الخيش
لا فيه راتب ولا بقشيش
بقينا مجرد لقطة في أفيش
>>>--------------****--------------<<<
وتاني نعيدها من الاول
رئيس سابق رئيس حالي
ويفضل حالي على حالي
ويفضل جبنا على طول الزمن خالي
>>>--------------****--------------<<<
عملتوا ايه ... بنيتوا ايه
زرعتم ايه .... جنيتوا ايه
>>>--------------****--------------<<<
ويفضل حالنا على حالنا
لايوم يتعدل حالنا
ولا يوم يزيد لنا مالنا
ولا يوم يرتاح لنا بالنا
>>>--------------****--------------<<<
من التفكير
في الصحة وفي التعليم
وفي العيشة وفي التغريم
>>>--------------****--------------<<<
على أبواب حكومتنا
فتحتولنا كمان شبابيك
رفعتولنا رواتبنا
وزودتوا ضرايبنا وتأمنا
لغيتوا الدعم في قوتنا
ووقفتولنا كمان سيرنا
حرمتونا من البنزين
وغليتوا ركوبتنا مش ضعف ولا ضعفين
>>>--------------****--------------<<<
ونسمعلكم كمان وكمان
إذاعتكم " خبر عاجل "
هنصلح ليكم احوالكم
وهنرجع لكم مالكم
ونرفع دعمنا ليكم
وهنقلل ضرايبكم
وهنوفر لكم قوتكم
هنبني خريطة لمستقبل أبنائكم
يلا مدولنا بقى ايدكم
هنبني سوى سواعدكم
>>>--------------****--------------<<<
وبسمة جميلة على الفكين
وتصقيفة على الكفين
وبعد يومين
تلاقي كارثة ولا اتنين
>>>--------------****--------------<<<
تلاقي سيطرة جاهلة على الازمات
ومش نوفي بالالتزاما ت
يغني الجهله أحوالنا في الاذاعات
>>>--------------****--------------<<<
ويضحك شعوب الغرب على حالي
وبعد ما رفعنا شعار انا مصري
بقولها ودمعي على خدي
انا مصري
...
بقلم / بلال عفيفي