المناهج الجديدة 2018 / 2019 :

الله أكبر الله أكبر الله أكبر، لا إله إلا الله، الله أكبر الله أكبر، ولله الحمد، الله أكبر كبيرًا، والحمد لله كثيرًا، وسبحان الله بكرةً وأصيلًا، لا إله إلا الله وحدهُ، صدق وعدهُ ونصر عبدهُ وأعز جندهُ وهزم الأحزاب وحدهُ، لا إله إلا الله ولا نعبدُ إلا إياهُ، مُخلصين له الدين ولو كره الكافرون، اللهم صلِ على سيدنا محمدٍ، وعلى آل سيدنا محمدٍ، وعلى أصحاب سيدنا محمدٍ، وعلى أنصار سيدنا محمدٍ، وعلى أزواج سيدنا محمدٍ، وعلى ذرية سيدنا محمدٍ، وسلم تسليمًا كثيرً **** كل عام وجميع الأمة الإسلامية بخير

facebook

النتائج 1 إلى 2 من 2

الموضوع: عوامل النجاح في كلية الحقوق

  1. #1
    الاشراف الاداري للاقسام العامة الصورة الرمزية alqadhi
    تاريخ التسجيل
    Jun 2012
    المشاركات
    1,631

    01 (31) عوامل النجاح في كلية الحقوق


    ايمانك بقدرات و انك لا ينقصك اي شئ من قدراتك الذهنية و ان اللى بينك و بين الدكتور احترامك لة و لمادتة و اجابتك النموزجبية في الامتحان

    ان تكون انت صاحب الافكار و الانتطباعا ت الايجابية حول المادة و اسلوب مذاكرتها و فهمك للدكتور و التحدى بينك و بينة

    تنظيم وقتك من بين حضورك للمحاضرات و وصولك لخط النهاية لكل درس و هو تكوين ملخص من صنعك و اجابة نموزجية من تكوينك لموضوع كل محاضرة و الاحتفاظ بعها للمراجعه اثناء الدراسة و المراجهة النهائية قبل الامتحان

    حضور المحاضرات

    الاعتماد على الفهم و عدم و مثابرتك و اصرارك على فهم ما لا تستطيع فهمة .

    بناء علاقة شخصية ناجحة مع دكتور المادة بزيارتك لمكتبة كلما لزم الامر و الاستفسار منة شخصية عن امور غير واضحة فى محاضراتة او الاسلوب الامثل للاجابة على اسئلتة في الامتحان

    الانشغال بالامور الشخصية و المشاكل الاطفية خاصتا في السنة الاولى من الدراسة امر طبيعي لكن اللوعى مطلوب لان انشغال البال الدائم بهذة الامور ياخذ مساحة كبيرة من الذهن و يشوش الذهن . لا تدع هذة الامور تكون سبب في عدم حصولك على تقدير في سنة من السنوات.


    مبروك انك دخلت كلية الحقوق

    هذة ليست مزحة . يجب ان تفتخر انك دخلت كلية الحقوق.
    كلية الحقوق زمان كانت كلية المتفوقين. كلية الوزراء و رؤساء الدول و اصحاب المناصب العليا في البلد .
    لعبت كونغ فو قبل كدة ؟ اللعبة اللى مشهور بيها بروسلي ، زمان كان اللى يعرف انك بتلعب كونغ فو كان يخاف يكلمك .
    زمان كلية الحقوق كانت كدة . مايدخولهاش خير الناس الجامدة . مايقدرش عليها غير الناس اللى دماغة متعمرة ، و اللى عندة طموح كبير يكون شخصية قيادية في البلد .
    اذا كنت دخلت كلية الحقوق بسبب التنسيق ، خير انشاء الله ، مين عارف ؟
    صدقنى اللى بيدخل الكلية دي و يحبها ، على الاقل ، هايطلع منها بعقل واعى يعرف يفكر كويس .

    الطالب صاحب الذكاء العادي يستطبع ان ينجح في كلية الحقوق بتقدير . مش مصدق ؟ بسبب ان كمية المعلومات التى مطلوب منك تحصلها كبيرة ، فتفتكر ان المذاكرة مش ممكن فيها. لكن الموضوع دة حلة بسيط جدا .
    موضوع المذاكرة دة بصفة عامة مايجيش بالفهلوة و الفقاقة . المذاكرة طول عمرها خنقة و تعتبر مشكلة من اول مادخلت المدرسة مرورا بالمراحل الابتدائية و الاعدادية و الثانوية لحد ما دخلت الجامعة . يعنى المذاكرة اصلا مشكلة بالنسبة للطلبة من زمان .
    السبب ان المذاكرة نفسها محتاجة تتفهم ، محتاج انك تتعلم ازاي تذاكر. الطلبة المتفوقة كتير منهم متفوق ليس بسبب ذكائة ، لكنة بيتبع الاسلوب الصحيح في المذاكرة بالفطرة. و لما تيجي تسالة بتذاكر ازاي ؟ و تيجي تعمل زية ، تلاقى نفسك برضة مش بتجيب نتيجة.


    لان المذاكرة عمرها ما كانت بعدد الساعات . كلنا بنسمع عن الناس اللى بتقضى ساتين او مش اكتر من ساعة كل يوم و بتنجح في كلية الحقوق في اربع سنوات فقط. سمعت عنعهم ؟ بيتقال عليهم اذكياء . صح؟ نفس الناس دي ماكنتش بتعرف ازاي تجيب تقدير . بيتقال لهم " انت ذكى جدا ، دانتة بتذاكر ساعة واحدة في اليوم و مابتمسكش ورقة و قلم و بتنجح ، بس لو تشد حيلك شوية هاتجيب تقدير" مش دة اكلام اللى بيتقال ؟
    يجي الطالب الذكى دة يشد حيلة مايعرفش برضة يجيب تقدير ، يشدة اكتر ، برضة مش عارف ، يزود عدد ساعات المذاكر ، برضة مش عارف ، يبدأ يذاكر بالورقة و القلم ، مافيش فايدة . بينجح السنة بسنة من غير مايعيد لكن مش عارف يجيب تقدير. اية السبب ؟
    كلنا فاكرين ان المذاكرة الشاقة و ذيادة عدد ساعتها و ماتقومش من على الكتاب هو سر النجاح . و الله لو كان كدة كان اغلب الناس اللى في الثاوية العامة دخلت كلية الطب.
    محتاج عشان مذاكرتك تجيب نتيجة يكون عندك وعى و معلومات صحيحة عن المذاكرة و الكيفية التى تعمل بها عقولنا اثناء المذاكرة.
    لو تفهم عقلك شغال ازاي ، و اية نقاط ضعفة و نقاط قوتة . لو تفهمة و تعرف تتعامل معاة ، هايديك اللى انت عاوزة.
    الموضوع دة في منتها البساطة و مش محتاج دكتور عشان يفهمة. مش محتاج منك انك تكون فائق الذكاء عشان تفهم مثلا حقيقة عن العقل طبيعية و موجودة عند كل الناس بمختلف مستويات ذكائهم ، و الحقيقة هي :
    ان طبيعى ان عقلك ينسى كل اللى قراتة بعد مرور عشر دقائق من قراءتة و يكون صعب عليك انك تتذكرة.
    فهمت دي؟ كل المعلومات اللى انت محتاج تفهمها عن العقل شبة السطر اللى فات دة . صعب ؟ اكيد بسيطة .
    طبعا انت بتمر بالمشكلة دي. لكنك ما تعرف ان حتى الطالب المتفوق بيمر بها. يعنى السبب اللى مخلى عقلك كدة انت ربنا خلقة كدة مش انك مش ذكى كفاية.
    عارف سر اللعبة اية ؟ انك تعرف تتعامل مع سلبيات عقلك و تستفيد من ايجابياتة بعد ما تفهمه كويس. مش انت لما تسجس تتعامل مع حد من صحابك ممكن تتلغبط الامور بنكم شوية في الاول لكن لما تفهم طبعة بعد كدة بتعرف تتعامل معاة ؟ عقلك كدة برضة. مثلا من ضمن طباع عقلك انة بيكون في اوقات محددة لو دخلتة معلومة بتثبت فية و مابتتنساش ، الكلام دة اول ما تصحى من النوم ، و قبل النوم مباشرتا . شوف انا قلت اول ما تصحة من المنوم مش لما تصحى بدري الصبح. يعنى حتى لو صحيت الظهر و رات حاجة ، مخك بيستفيد منها كويس.
    المفاجئة انك لما تقرا و تفهم في مسائل العقل هاتوفاجا ان كل نقاط الضعف اللى موجودة في عقلك و اللى انت كنت فاكر انها بسبب قلة مستوى ذكائك ، كلها موجودة في الناس كلها و طبيعية . كلها بيعانى منها كل الطلبة المتفوقين واللى مستواهم عادي. الفرق بس ان الطالب المتفوق بيتعامل مع نقاط الضعف و بيخليها ماتاثرس علية و بيستفيد من نقاط القوة






    عربي ولا نجليزي

    لو درجة الانجليزي بتاعتك في الثانوية العامة كويسة و تدخلك حقوق انجليزي ادخل حقوق انجليزي و ماتخافش
    يعنى تبقى حقوق و ادخلها كمان بالانجليزي ؟
    تصدق انها اسهل ؟ و الدكاترة متسامحين فيها اكتر ، و الاسئلة فيها اسهل . عارف السبب؟ اللغة العربية سمحة للحقوق العربي انها تكون ضخمة شوية . و الانجليزي ابسط من العربي في الدراسة.

    حتى لو ما كنتش خريج مدارس لغات ، الحقوق قسم لغة انجليزية مش صعبة عليك .
    الفكرة بس في اول سنة ، تلم فيها المصطلحات و تحفظ فيها الكلمات ، ممكن تتعب شوية فيها بس بعد كدة بتستعملها باقى السنين و كلة بيبقى بعد كدة زي السكينة في الحلاوة .
    و يبقى حلو لو ساعدت نفسك بكورس انجليزي اثناء الدراسة
    كمان الحقوق الانجليزى فرصها في الشغل فى الخارج حلوة و يا سلام بقى لو جامعة عين شمس ولا جامعة اسكندرية لا جامعة اسكندرية معترف بشهادتها دوليا ، حتى الشهادة العربي .









    انتظام ام انتساب ؟


    طبعا عارف الفرق .

    تفرق في الدراسة ؟
    هى مش تفرق ، بس انت ممكن لو انتظام يكون نجاحك اسهل . و لو انتساب تستفيد من وقتك اكتر في المذاكرة.
    طالب الانتظام مطلوب منة بجانب حضورة للمحاضرات انة يحضر سكاشن . حضورة علية درجات و في اعمال سنة . التزامك هنا في السكاشن و الحضور و الواجب و الحجات دي بينجحك ، و لو بذلت مجهود كويس في المذاكرة بيكون عامل مساعد في حصولك على تقدير .
    يعنى لو انت مذاكر وا مجاوب كويس و ناقصك على الجيد درجة او درجتين او عل الجيد جدا درجة و نص تلاقى درجات اعمال السنة و حضورك ساعدتك على حصولك على التقدير.
    الاجهاد بيكون ان مطلوب منك تحضر كل يوم زي المدرسة .
    اما الانتساب حضورة ما علهوش درجات يعنى وقتك ملكك للمذاكرة لكن اغلب الناس بتقضى الوقت دة في امور اخري شبابية مالهاش علاقة بالتقدير و النجاح .
    يعنى انت و طموحك و خوفك على مصلحتك










    معوقات الدراسة في كلية الحقوق

    عدم الايمان بنفسك و قدراتك
    التاثر بسهولة بزملائك اصحاب الافكار السلبية و المروجين للاشاعات عن الدكاترة و الصعوبة المواد
    عدم القدرة على تنظيم الوقت
    عدم حضور المحاضرات
    عدم بذل المجهود في فهم المواضيع و الاعتماد على الحظ . هاتحفظ اية ولا اية !
    الانشغال بامورك الشخصية اثناء جلوسك في المحاضرات . واخد بالك انت من الشخصية دي ؟
    الانشغال بالامور الشخصية بتاعة زميلتك اثناء جلوسك جمب زميلتك في المحاضرات .
    العلاقة السيئة مع الدكتور .
    عدم القدرة على فهم الدكتور و اسلوبة
    اذا اسيطر الاحباط عليك


    طريقة المذاكرة و تدوين المحاضرات بالخرائط الذهنية



    Mind Mapsاوالخر ائط الذهنية اسلوب رائع لتدوين الافكار يستخدم في كل شيمثل المذاكرةال تخطيطالتطو يرحل المشاكل



    اخترعها عالم بريطانى اسمة توني بوزان


    السبب في نجاح الخرائط الذهنية :


    اسلوب سرد الافكار على الورق على صورة خرائط ذهنية يعكس الطريقة الواقعية التى يتعامل بها المخ مع المعلومات لذا فهى وسيلة فعالة للاحتفاظ بالمعلومات و تخزينه في الذاكرة ا و استرجاعها من المخ



    طريقة رسم الخريطة الذهنية :


    استعين بكراسة الرسم


    ارسم في منتصف الصفحة اسم الدرس و ارسم رسمة مختصرة تعبر عنة بحيث يسهل على المخ تذكرهااستع ين بالالوان فالنفرض ان الدرس مكون من خمس عناصر و كل عنصر لة عناصر فرعية


    ارسم خمس تفرعات خارجة عن الرسمة التى رسمتها في منتصف الصفحة كل فرع بلون مختلف


    اجل الفرع بخط سميك


    اكتب فوق كل خط اسم العنصر و عبر بجانب العنصر برسمة بسيطة عنة اذا استطعت ان ترسم لكل عنصر رسمة صغيرة سيكون من السهل عليك اتسرجاع الخمس عناصر من ذاكرتك بسهولة


    الرسمة المعبرة عن كل عنصر و تمييزها بلون الفرع السميك سيساعدك على تذكرها هى و باقى الاربع عناصر المكونة للدرساذا استطعت ان تتذكر الخمس رسمات ستتمكن من تذكر الخمس عناوين





    السبب : تذكر الرسومات و الاوان اسهل من تذكر الالفاظ لان المخ ينجذب الى الالوان و الرسموات و الصور اكثر من الالفاظبعد تحديد الوان الفروع الخمسة و الرسمة المعبرة عن كل فرعالان ارسم تفراعت لكل عنصر اذا كان العنصر مكون من عدة نقاط ، مثلا ثلاث نقاطارسم ثلاث فروع من فرع العنصر بنفس اللون لكن الخط اقل سمكا حاول ترسم لكل نقطة رسمة او رمز يذكرك بمحتوى النقط الفرعية و هكذا الى ان تنتهى من النقاط الاساسة لكل درس مراجعة الدرس بعد ذلك عن طريق النظر الى الخريطة الذهنية التى رسمتها تكون اسهل بكثير من الطريقة المعتادة المعتمدة على العناصر المكتوبة في تسلسل تحت بعضها





    نصيحة انظر الى الخريطة ثم ابعدها عن عينك و حاول استرجاعها في خخيالك الى ان تتمكن من استرجاع صورة الخريطة بتفاصيلها في ذاكرتك ستتمكن من هذا بالتمرين و سيكون سهل عليك فعل ذلك لانها شيقة مليئة بالالوان و الرسوماتاذ استطعت ان تطبع صورة الخريطة بتفاصيلها في ذهنك بالنظر اليها باستمرار ستتمكن من استرجاعها بسهولة من ذاكرتك و انت بتمتحن





    بس انت في المحاضر مش لازم ترسم صور على كل خط


    كفاية الفروع و كفاية يكون معاك اربع اقلام ملونة عادية و هم الازرق و الاسود و الاحمر و الاخضر


    لو عاوز تزود الالوان يكون احسن عشان دة بيفيد عينك في التمييز بين المعلومات





    لان الخريطة بيتكون ورقة حتى لو صغير بتسمح بتسجيل معلومات كتير جدا فالتلوين فيها مهم عشان عينك تعرف تفهم و تميز





    صعب على حد غيرك يفهم الخريطة اللى انت راسمها احيانا لانها من صنع افكارك




    كيفية تدوين المحاضرات في كلية الحقوق


    بص انت مش في محاضرة مش في حصة إملا .
    في حاجة هتلاقيها في المدرجات ، الدكتور بيتكلم بيشرح الدرس و في طلبة قعدة بتكتب بسرعة جدا عاوزة تلحق تكتب كل كلمة طالعة من فم الدكتور . لدرجة ان فية طلبة بتطلب من الدكتور انة يتكلم ببطئ شوية عشان تلحق تكتب .
    انا جربت الموضوع دة ، لاقيت انى لو ركزت في انى اكتب كل كلمة الدكتور بيقولها مش هافهم ولا كلمة . لانى كل بالى مشغول باهتمامى ان مافيش كلمة تفةتنى من غير ماكتبها ، مش انى اهتم بانى افهم كل كلمة الدكتور بيقولها .
    حاولت وانا بكتب افهم لقيت انى لو قاعد اسمع من غير ماكتب خالص هافهم اكتر .
    دي طبيعة مخ مش ذكاء ولا غباء .
    عاوز تكتب في المحاضرة اكتب ، بس اكتب عناصر و ملاحظات و الفاظ هامة . الفاظ هامة معناهة اية ؟
    انت مطلوب منك في روقة الاجابة ان يكون اسلوبك قانونى في الكتابة . ماينفعش تجاوب في ورقة الاجابة باللغة العامية زي مانا بكتبلك دلوقتى كدة . انا بكتبلك كدة عشان تفهمنى بسهولة و ماتزهقش من القراءة. لكن انت في الامتحان الدكتور بيقيس عقليتك القانونية . اه شوفت المصيبة ؟ عقليتك القانونية دي مابتظهرش الا لو استعملت الفاظ قانونية معينة في اجابتك على الاسئلة .
    و انت قاعد بتسمع المحاضرة دون الفاظ قانونية الدكتور بيقولها.
    اكتب عناصر تحدد هيكل الموضوع اللى الدكتور بيشرحة . العناصر دى لو تمام و ماتخورش المية ، انت كدة وفرت على نفسك التلخيص في البيت و انت بتذاكر. ساعتها وانت في البيت بقرا الكتاب و حاطت العناصر قدامك و انت بتقرا لو في حاجة شايف انك محتاج تضيفها للعناصر ضيفها . كدة انت وفرت على نفسك وقت و جهد. انت بتكتب عناصر من الدكتور، و انت ممكن تنقحها في البيت و انت بتقرا من الكتاب
    عاوز تبقى استاذ في الموضوع دة ؟ اتبع اسلوب الخرائط الذهنية في تدوين العناصر .
    سيتم شرحة لاحقا . الاسلوب دة هاتدعيلي لما تعملة . دة اختراع واحد دكتور بيطانى اسمة توني بوزان . كل العباقر في الغرب بيتبعوة ماحدش هنا بيطبقة رغم بساطتة و سهولتة .
    تسجيل المحاضرات
    موضوع تسجيل المحاضرات مش عارف هايكون نتيجتة اية معاك . لو عندك وقت تسمع المحاضرة في البت تانى ؟ بس سماع المحاضرة في البيت مايعتبرش مذاكرة. يعنى لو مذاكرتك عبارة عن سماع المحاضرة في البيت تاني مانصحكش بكدة . لازم تخرج من مذاكرتك لكل فصل بنموزج اجابة مكتوب بعناصر و ترتيب ، تستعملة في مراجعتك التهائية و في اجابتك على الامتحان .
    خلى بالك في دكتور عاوزك تقرا من الكتاب و عشان يضمن كدة ، في محاضرتة مابيقولش كل حاجة مكتوبة في الكتاب .
    في نقطة تانية مهمة جدا لازم تاخد بالك منها :
    لو ناوي تسجل المحاضرة استاذن الدكتور الاول . في دكاترة بترفض تسجيل المحاضرات لانها وهى في المحاضرة بتقول اراء ها الخاصة في امور سياسية و ترفض اى حد يسجل عشان مايستعملش دليل ضدة و مايعملوش مشاكل . انت في كلية الحقوق يا باشا مش في كلية فنون جملية قسم نقاشة .
    لو الدكتور رفض ماتسجلش ، كدة غلط عليك .


    المذاكرة من الكتاب ولا الملخصات ولا من المحاضرات
    شوف انا هافهمك حاجة و انت تجاوب على السؤال بنفسك
    انت عارف الية المذكرات دي؟
    عارف بتتكتب ازاي ؟ انت عراف انها ملخصات .
    الشخص اللى بيعمل المذكرات دي مستواة التعليمي مايسمحلوش انة يكتب زي الدكتور . اشخص دة اصلا يخاف يشرح حاجة على ورق باسلوبة و بطبعها و يبيعها للطلبة. كدة ممكن يودى نفسة في داهية و يشيل نفسة مسؤلية رسوب الطلاب. لانة مش دكتور عشان يكتب في المادة .
    فكل اللى بيعملة الشخص اللى بيكتب المذكرات دة انة بينقل الكلام المكتوب في الكتب ، بينقلة نقل بالنص ، و يطبعة على ورق مقاس الورق الفلوسكاب انت عارف ورق المذكرات مقاسة اية . كل اللى بيحصل ان الورقة ط***ة شوية طولها ضعف طول ورقة الكتاب ، فكل اللى بيحصل ان صفحتين او تلاتة من الكتاب لما يتنقلوا بالنص على ورقة من ورق الممذكرات يعملة ورقة واحدة من ورق المذكرات. هو دة التلخيص يا عم ! يعنى الكتاب اللى 300 صفحة لو اتنقل بنفس مقاس الخط على ورق من اوراق المذكرات بيكون الكتاب عامل تقريبا 100 صفحة بس.
    بس كدة ؟ لا في حاجة كمان . الاخ اللى بيكت المذكرات دة بيشيل بعض الفقرات اللى من وجهة نظرة هو مالهاش لومة و تعتبر حشو في الكتاب غير مفيد.
    شوف انت مسالة فهمك للموضوع اللى بتذاكرة مسالة حياة او موت ، يعنى لو مافهمتش مش هاتنجح في كلية الحقوق.
    المذاكرة فى كلية الحقوق مش حفظ جدول الضرب . لا انت اول حاجة بتعملها و انت بتذاكر انك بتقرا عشان تفهم . و انت عشان تفهم صح و تكون صورة كاملة عن موضوع المادة لازم تقرا الكلام اللى الدكتور قالة و هو بيشرح الموضوع دة بالترتيب عشان تتابع تسلسل افكارة و تفهم هو عاوز يقولك اية و يوضحلك اية .
    اللى اتشال من كتاب الدكتور دة ، مهم بالنسبة لك عشان تفهم كويس .
    هاتقولى مانا بافهم كويس في المحاضرة ، هاقولك مانت طبيعى و اللى بيحصل انك تنسى كل المحاضرة بعد ما تخرج بعشر دقائق ن و تكون مش فاكر منها غير تشاش و شوية افكار او مضمونها فقط. يعنى انت محتاج تقرا الكلام اللى الدكتور كتبة . كدة كدة انت بتقراه بس لما بتقراة من المذكرات مش بتقراة كامل. ممكن الفقر اللى اتشالت دي تكون هى السبب في ثبات المعلومة في ذهنك او توضيح نقطة مش واضحة في الكلام .
    و بعدين التلخيص المظبوط بيكون انت اللى عاملة ، و ماحدش بيعرف يذاكر من تلخيص غيرة . دة لو التلخيص دة مظبوط .
    يعنى انت لو بعد كل فصل قراتة ، دونت العناصر الاساسية و تحت كل عنصر كتبت كلمتبن تلاتة بفكروك بشرح العنصر دة ، بيقى انت كدة زي الفل و عشرة على عشر . هو دة التلخيص التمام .
    لو اديت تلخيصك دة من زملائك مش هابفهم منة حاجة لانهم اصلا ماقروش و بياخدوا منك تلخيص عشان يجيبوا من الاخر و يذاكروا الخلاصة . لكن الخلاصة اللى انت هاتدهالهم دى خلاصة واحد فاهم . بتكون بالنسبة لهم رموز مش مفهومة .
    تلخيصك دة لو حافظت علية و قراتة كتير ، مش هاتنسى الموضوع ، لو ماعملت كدة عارف اية اللى هايحصل ؟
    فالنفرض انك حضرت المحاضرة و قرات الموضوع من الكتاب بعد المحاضرة ، و نمت على كدة
    لما تيجي تراجع الموضوع دة بعد اسبوع ختلاقى نفسك مش فاكر حاجة و دة طبيعي ، مش هى دى المشكلة ، المشكلة انك عشان تفتكر هاتضطر انك تقرا الموضوع من الكتاب من اول وة جديد و هتلاقى نفسك بتفهم الموضوع و انت بتقراة اكنك بتعمل كدة لاول مرة . يبقى كل مرة بذاكر من الكتاب بتذاكر لاول مرة. كدة انت بتضيع وقت .
    الصح انك تحافظ على ملخصاتك ، و لما تحب تراجع الموضوع ، تقرا الملخصات ، و تيجي في الاخر و تقرا الموضوع من الكتاب ، هتلاقى الكلام اللى مكتوب واضح و بيثبت في مخك اكتر ، لانك كنت بتتك على العناصر المهمة في كل مرة بتقرا في الملخص اللى انت عاملة.
    المذكرات اللى بتتباع ماتعتبرش ملخصات ، هى نفسها محتاجة انك تلخصها و تطلع منها العناصر المهمة و الكلامات المفتاحية اللى تفكرك بكلام مهم في الموضوع . يعنى انت لازم كدة كدة تعمل موضوع العناصر و الكلام المفيد ، يبقى تعملة احسن من كتاب الدكتور ولا من واحد ناقل كتاب الدكتور على ورق و شايل منة فقرات انت نحتاج لها ؟
    مافيش مشكلة لو اديت ملخصاتك لزملائك
    كدة كدة مش هايعرفوا يذاكروا منها ، ماحدش هايفهمها غيرك اصلا ، دة لو هى ملخصات صح .
    في بقى مذكرات بتتباع اخر السنة فيها اسئبة و اجوبة
    دي ممكن تجبها
    بس في حاجة لازم تعرفها . طبعا انت متوقع ان الاجابة على الاسئلة اللى موجودة في المذكرات دي بتكون ذى مالدكتور قايل في المحاضرة . لا مابتبقاش كدة . معقول ؟ اة و الله .
    الاخ اللى عامل المذكرة بيكتب سؤال و اجابتة عبارة عن الكلام اللى مكتوب في الكتاب بالنص
    يعنى شوف سؤال كدة في المذكرة وقارن الاجابة اللى مكتوبة في الورق بالكتاب هتلاقى ان الاخ اللى عامل المذكرة ناقل الكتاب باكلمة و حاطتها تحت كلية الاجابة في المذكرة بتاعتة .
    اللى عاوز اقولهولك ، اشترى المذكرة عشان تعرف الاسئلة المكتوبة فيها اية . لانها بتكون اسئلة متوقعة . اما الاجابة النموزجية لازم تكون انت اللى محضرها و كاتبها بنفسك من خلاصة افكارك و مذاكرتك مش واحد تانى كاتبهالك .
    طب و المحاضرات ؟
    يا سلام لو كتبت الاجابة النموزجية اللى انت محضرها فيها كلام من المحاضرو و كلام من الكتاب . تبقى انت استاذ .





  2. #2
    عضو
    تاريخ التسجيل
    Jan 2014
    الدولة
    اسيوط
    المشاركات
    6

    افتراضي رد: عوامل النجاح في كلية الحقوق

    واللة العظيم ان باشا

المواضيع المتشابهه

  1. مشاركات: 0
    آخر مشاركة: 12-09-2012, 10:32 PM
  2. مشاركات: 9
    آخر مشاركة: 09-19-2012, 09:30 PM
  3. مشاركات: 5
    آخر مشاركة: 08-24-2012, 02:37 PM
  4. نتيجة كلية الحقوق جامعة عين شمس الترم الثانى 2011 – 2012
    بواسطة ويبقى الحب في المنتدى أرشيف النتائج
    مشاركات: 0
    آخر مشاركة: 07-26-2012, 01:43 AM
  5. معلومات عن كلية الحقوق
    بواسطة مستر احمد يحيى في المنتدى منتدى التعليم المفتوح
    مشاركات: 0
    آخر مشاركة: 08-11-2009, 07:06 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •