السلام عليكم ورحمة الله وبركاته ..


اولا كل عام وانتم بخير وصحه وسلام ...


وربنا يجعله عام سعيد عليكم كلكم .. طلبة ومدرسين وعواطلية كمان

اول حاجه قبل اي كلام .. لازم يكون عندنا ثقة كاملة في الله وتفاؤل يخليك في وسط الظلام تبقي حاسس انك شايف الدنيا جميلة ....

التفاؤل الكامل ده فققط حسن ظن بالله .. ايمان بالقضاء والقدر .. ايمان كامل ان ربنا رايدلي الخير وبس ...

يعني بداية .. ندخل السنة الجديدة دي واحنا حاسينها احلي سنة وخلاص ... شايفين الامل فيها وبس ...



طبعا السنة بتبدأ ويبدأ كل طالب في روتين يومي واسبوعي كامل ...

في طلبة بتبدأ تذاكر من قبل الدراسه اصلا وفي اللي بيبدأ مع الدراسه وفي الناس العسل دول اللي مش بيفتكرو الدراسه الا اخر شهر ^_^

وده تقريبا بيكون غلط كبير جدا .. مش من ناحية ان المنهج مش هيخلص ... لا خالص عادي ممكن يخلص ولو في اسبوع

بس من ناحية الضغط العصبي لما تبدأ متأخر ده بيأثر علي التركيز والحالة النفسية .. فتكون مش قادر تجمع المنهج .. غير اانك بتضغط علي نفسك ومجهود زيادة .. يعني بعد لما كنت مرتاح طول اليوم ومش بشغل دماغي خالص .. اجي فجأة اشغلها الشغل ده كله .. صعب شوي


فالمفروض اني ابتدي مذاكرة شوي شوي .. يعني في اول السنة كده ابدأ بسيط ومع اخر اول شهر ابدأ اعمل اعادة حسبة مع نفسي ذاكرت ايه وايه اللي متفتحشي .. وايه المادة اللي استرخمتها السنة دي .. والمادة اللي حبيتها .. وكده يعني ...

بعمل لنفسي جدول بسيط ... في طلبة كتير مش بيعرفو يمشو علي جدول .. انت بتعمل الجدول ماشي بس مش لازم تمشي عليه اوي

بمعني .. انت عملت جدول وحطيت لنفسك 3 مواد في اليوم مثلا وذاكرت مادتين عادي .. انت مش باللازم تمشي عليه بالمللي .. ولو في مادة ملحقتش تذاكرها مترحلهاش لليوم اللي بعده الا في حالة عندك اختبار فيها .. غير كده سيبها ليومها اللي محدده ليها . علشان متجيش علي اليوم اللي بعده

ابدأ بجدول قصير المدي .. يعني الاول اعمل جدول يومي .. كل يوم لما تبدا تذاكر تقول هذاكر النهارده مادة كذا وكذا ....
وتمشي بجدول يومي لمدة اسبوع .. او لغاية ما تلقي نفسك بقيت ملتزم بالجدول ده
بعدها تخليه اسبوعي ... وبعدين هيكون فاضل علي الامتحان بتاع شهر كده او شهر وحاجه تعمل بقي جدول لاخر السنة ...

وتحاولو تنوعو في المواد يعني لو في ماده فهم مع مادة حفظ .. مادة بتحبها مع مادة مبتحبهاش وكده تمشي ...


ده شوية كلام من تجارب ....
وان شاء الله هنزلكم مواضيع هتنفعكم ان شاء الله وتساعدكم ... يعني ازاي تعملو جدول مذاكرة ...
ازاي تذاكرو
الاساليب الصح للمذاكرة وكده يعني
واي حاجه انا تحت امركم ... اي طلب تطلبوه .. وان شاء الله اقدر اساعدكم علي قدر مقدرتي

اختكم في الله ~*شمس الإسلام*~