المناهج الجديدة 2018 / 2019 :

الله أكبر الله أكبر الله أكبر، لا إله إلا الله، الله أكبر الله أكبر، ولله الحمد، الله أكبر كبيرًا، والحمد لله كثيرًا، وسبحان الله بكرةً وأصيلًا، لا إله إلا الله وحدهُ، صدق وعدهُ ونصر عبدهُ وأعز جندهُ وهزم الأحزاب وحدهُ، لا إله إلا الله ولا نعبدُ إلا إياهُ، مُخلصين له الدين ولو كره الكافرون، اللهم صلِ على سيدنا محمدٍ، وعلى آل سيدنا محمدٍ، وعلى أصحاب سيدنا محمدٍ، وعلى أنصار سيدنا محمدٍ، وعلى أزواج سيدنا محمدٍ، وعلى ذرية سيدنا محمدٍ، وسلم تسليمًا كثيرً **** كل عام وجميع الأمة الإسلامية بخير

facebook

النتائج 1 إلى 1 من 1

الموضوع: معلومات عن المعهد الفنى الصناعى للبصريات بالمطريه(م عهد البصريات)

  1. #1
    عضو
    تاريخ التسجيل
    Nov 2013
    المشاركات
    13

    01 (13) معلومات عن المعهد الفنى الصناعى للبصريات بالمطريه(م عهد البصريات)

    س :هل سالت نفسك وانت ماشى قدام محل النظارات الراجل اللى شغال جوه ده اتخرج منين او خد الصنعه دى على ايد مين وهل اى حد ينفع يفتح محل نظارات وخلاص ولا لازم ياخد ترخيص الاول

    الاجابه
    : انه مش اى حد يقدر يفتح محل بصريات بدون رخصة ولازم علشان ياخد الرخصه انه يكون درس فى معهد البصريات وايه هو معهد البصريات اولا مفيش معهد بصريات حكومى فى مصر كلها الا معهد واحد بس موجود حاليا فى المطريه
    ثانيا فيه معاهد خاصة تانيه للبصريات بمصروفات بس انا هتكلم دلوقتى عن معهد البصريات الحكومى اللى حاليا فى المطريه بيقبل من: 1- ثانوى عام بشرط انه يكون علمى علوم اورياضه عادة بمجموع اعلى من 50% 2-من ثانوى فنى بمجموع حوالى 81% او82%او 83% على حسب تنسيق سنتك لكن اللى اعرفه انه قبل من حوالى 82 %فى تنسيق 2013

    س :المعهد ده ينفع اكمل منه وادخل هندسه

    ج :ايوه ينفع عادى جدا حتى لو جايب 50%فى ثانوى عام ودخلت المعهد ده وممكن تدخل كمان هندسة بترول السويس ويكون متاح ليك اى قسم فى هندسه تدخله زيه زى اى معهد مساحه او اى معهد فنى صناعى ولو مش مصدق روح المعهد واسال المدرسين او المهندسين هناك وعلى فكره دخول هندسه معتمد على مجموع سنه تانيه فقط لان سنه اولى اصبحت نقل بدايه من العام 2013/2014 ولو مجبتش مجموع هندسه بتعمل معادله ومنها تدخل هندسه وفيه مراكز بتدرسلك مواد المعادله ولوحبيت تعرف ايه نظام المعادله وموادها ايه؟؟ المراكز دى ليها صفحات على الفيس

    س :لو دخلت هندسه ينفع اخد رخصة محل واشتغل وانا بدرس

    ج :. ينفع عادى تدخل هندسه وتفتح المحل وممكن يأجر الرخصه بس اى حد علشان ياخد الرخصة لازم يتدرب 6 شهور بعد مايخلص سنه تانيه

    س :اعمل ايه لو عايز ادخل هندسه

    اولا لازم طاعه الله والبعد عن الجنس الاخر بقدر الامكان ولو عايز تعرف او تعرفى احلى اصحاب ممكن تقابلهم او تقابليهم فى المعهد او حتى خارج المعهد اكيد هتلاقيم فى المسجد بتاع المعهد هتلاقى صاحبك او صاحبتك الشاطر(ه) اللى ممكن يشرحلك او تشرحلك الحاجات اللى واقفه قدامك او تصور منه محاضرات ناقصاك ثانيا لازم الحضور فى المعهدعلشا ن الغياب بينقص فى الدرجات وعلشان تحضرالورش( العملى ) وطبعا لازم المذاكره الــجـــــ ــاده وتنظيم الوقت

    س : ايه الكليات اللى ممكن ادخلها لو ملحقتش هندسه

    ج :ممكن تدخل كلية تعليم صناعى او تربيه نوعيه

    س :وايه المواد اللى هندرسها فى السنتين

    اولا فى سنه اولى الترم الاول 1-هنسه وصفيه 2- عدسات طبيه 3 – رياضيات 4- انجليزى 5-فيزياء 6 ورش (عملى )7- رسم هندسى لكن الرسم بنمتحنه فى اخر السنه هو والورش لانها مواد ممتده وكلها مواد تافهه بتاخدها على الديق عن ثانوى عام وبيكون فيه بعض الزيادات فى بعض المواد
    سنه اولى الترم الثانى 1- بصريات 2- زجاج 3- حاسب الى 4 – مقايسات 5- تشريح6- ورش 7- رسم هندسى ثانيا سنه تانيه ترم اول 1-زجاج 2-بصريات 3-علم نفس 4-امراض عيون 5-ورش 6- رسم سنه تانيه تيرم ثان 1 – عدسات 2-فيزياء 3-تنظيم صناعى 4- صحه مهنيه 5- كاب 6-رسم 7- ورش

    س هل المعهد له سكن او مدينه جامعيه لا. ممكن تسكن مع كام واحد من اصحابك تشوفوا سمسار يشوف لكم شقه قريبه من المعهد او عند حد قريبك من القاهره او ممكن تشوف دار المغتربين او دار المغتربات والدور دى منها فى المطريه او عين شمس او الجيزه واماكن كتير فى القاهره والمحافظات ولو عايز تعرف سماسره ممكن تسال البواب بتاع المعهد او تسال الموظفين فى شئون الطلاب او الامن

    س :هل المدرسين فى المعهد بيشرحوا وهل بيدوا كورسات

    ج:المدرسين فى المعهد متعاونين مع الطلبه وبيشرحوا فى المدرج ولومفهمتش حاجه فى المحاضرة ممكن تروح للمدرس ويشرحها لك ولكن فيه مدرسين بيدو كورسات وممكن الكورس فى بعض المواد يصل الى 250 او 300 للماده الواحده وفيه برضو مجموعات تقويه فى المعهد الماده ب100 جنيه للتيرم الواحد والمجموعات دى تحت اشراف المعهد وبتبقى بعد انتهاء اليوم الدراسى والشرح بيكون فى المعهد

    س :هل الدراسه فى المعهد صعبه

    ج الصراحه انك لو دخلت اسهل معهد فى مصر ومذاكرتش فيه اكيد هتسقط وكذلك المعهد ده تطيع ربك +تطيع والديك +تنظم وقتك +تذاكر =تنجح ولو عايز تنجح بمجموع عالى وتدخل هندسه زود فى طاعة ربك وتنظيم وقتك ومذاكرتك ولو عايز تعرف هو صعب ولا لأ نصيحه منى شوف المناهج اللى فى الكتب وصور الامتحانات وشوف الاسئله عباره عن ايه

    س :الاصعب معهد بصريات ولا فنى صناعى ولا مساحه

    ج :علشان تعرف مين اصعب يبقى لازم تسال ناس درست او بتدرس فى المعاهد ديه ولو انت تعرف حد في المعاهد دى هات منه الكتب واطلع على كتب المعاهد الثلاثة وقرر اما لو متعرفش حد اخل على صفحات وجروبات المعاهد على الفيس وضيف الناس اللى جايبه مجموع عندك وكلمهم واسالهم

    س :طيب اروح المعهد ازاى

    ج: هتركب المترو(خط حلوان المرج) وتنزل محطة متروالمطري ه وبعد ماتخرج من المحطه اسال على السيرفيسات اللى بتروح الالف مسكن وقول للسواق نزلنى عند معهد البصريات ولو السواق معرفش قوله نزلنى عند معهد المطريه(ال لى هو المعهد الفنى الصناعى)ول ما تنزل هناك اسال عن معهد البصريات هتلاقيه فى ضهره ولو حبيت تتمشاها مش بعيد بعد ما تخرج من محطة المترو امشى يمين على الرصيف اللى جمب سور المترو هياقبلك كوبرى مشاه معدى فوق المترو اطلعه وانزل منه وبعد ماتنزل من عليه اسال عن المعهد هتمشى فى شارع على طول متحودش شمال ولا يمين لحد ما تصل للمعهد الشارع ده اسمه شارع متحف المطريه وعندك عنوان المعهد اهو: المطريه - ميدان النعام شارع متحف المطريه

    س ايه الورق المطلوب للتقديم

    ج : 6صور شخصيه 4*6 وأصل شهادة الثانويه و اصل شهادة الميلاد واستماره 2جند واستماره 6 جند للذكور وصوره البطاقه الشخصية وبطاقة ولى الامر والرسوم عادة لاتصل الى110جنيه


    نبذة عن المعهد: نشأ المعهد الفني الصناعي للبصريات في الستينيات في عهد الرئيس الراحل "جمال عبد الناصر" وكان المعهد في السيدة زينب بجوار مستشفي "أبو الريش" وكان نظام الدراسة في المعهد علي شعبتان وهما: (أجهزة بصرية-بصريات)... وفي اوائل التسعينات تم نقل المعهد الي مكانه الحالي بالمطرية واصبح نظام الدراسة في المعهد هو شعبه واحده وهي شعبة (بصريات).. . مدة الدراسة بالمعهد "سنتان "... الدرجة العلمية التي يمنحها المعهد: يمنح المعهد درجة "الدبل وم الفوق متوسط شعبة البصريات" يمنح المعهد الخريجين رخصة مزاولة مهنة البصريات يعين المعهد الخريجين أعضاء في نقابة البصريين المصرية "حسب الضوابط المنصوص عليها" يقبل المعهد: (1)الطالب المستجد: يتم الق*** بالمعهد عن طريق مكتب التنسيق للطلاب المستجدين بسنة التخرج وتنقسم الي قسمين: أ-الطالب الحاصل علي شهادة الثانوي العام قسم علمي رياضة والطالب الذي يحصل علي تقدير بالمعهد يمكنه استكمال الدراسة بكلية الهندسة. ب-الطالب الحاصل علي شهادة الثانوي الفني بشرط المجموع الذي يحدده مكتب التنسق للق*** بالمعهد والذي يحصل علي تقدير بالمعهد يمكنه استكمال الدراسة بكلية الهندسة. (2)المؤهلا ت: لايشترط السن او سنة التخرج ولكن لابد ان يكون لديه مؤهل عالي او ثانوي عام علمي رياضة ولكن المصاريف تزيد عن مصاريف الطالب العادي بمقدار تحدده "وزارة التعليم العالي" وفي حالة حصوله علي تقدير من المعهد لايمكنه استكمال الدراسة بكلية الهندسة.

    الكلام ده مكتوب حسب العام الدراسى 2013/2014 وارجو التاكد منه بنفسك لانه ممكن يحصل بعد كده تغييرفى القرارات او فى نظام المعهد من سنه لاخرى

    واكرر قبل ما تقدم للمعهد لازم تروح هناك وتسأل وتتاكد من المعلومات دى بنفسك لربما يحدث اى تغيير فى القرارات او اى شىء زى مثلا الغوا التقدير التراكمى للسنتين واصبح تقدير سنه تانيه هو اللى يحدد انت هتدخل كلية ايه ولمن يهمه الامر تأكد من انه هل هناك نيه لجعل المعهد4سني ن ولا لأ فى الفترة القريبه
    التعديل الأخير تم بواسطة عمر ميرو ; 01-31-2014 الساعة 10:35 AM

المواضيع المتشابهه

  1. معلومات عن المعهد الفنى الصناعى بشبرا
    بواسطة Ahredas في المنتدى المعهد الفني الصناعي
    مشاركات: 2
    آخر مشاركة: 04-21-2023, 02:50 PM
  2. طريقك الى هندسه من المعهد الفنى الصناعى
    بواسطة gaber2009 في المنتدى المعهد الفني الصناعي
    مشاركات: 14
    آخر مشاركة: 04-21-2023, 01:01 AM
  3. الطريق الى هندسه من المعهد الفنى الصناعى (لطلاب الثانويه العامه )
    بواسطة gaber2009 في المنتدى أرشيف الخدمات التعليمية
    مشاركات: 59
    آخر مشاركة: 03-31-2017, 03:59 AM
  4. الطريق الى هندسه من المعهد الفنى الصناعى .....مهم جداااااا
    بواسطة gaber2009 في المنتدى أرشيف الخدمات التعليمية
    مشاركات: 9
    آخر مشاركة: 02-03-2014, 07:23 PM
  5. س و ج عن طريق الهندسه من المعهد الفنى الصناعى
    بواسطة gaber2009 في المنتدى أرشيف الخدمات التعليمية
    مشاركات: 2
    آخر مشاركة: 11-07-2012, 03:14 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •