المناهج الجديدة 2018 / 2019 :

الله أكبر الله أكبر الله أكبر، لا إله إلا الله، الله أكبر الله أكبر، ولله الحمد، الله أكبر كبيرًا، والحمد لله كثيرًا، وسبحان الله بكرةً وأصيلًا، لا إله إلا الله وحدهُ، صدق وعدهُ ونصر عبدهُ وأعز جندهُ وهزم الأحزاب وحدهُ، لا إله إلا الله ولا نعبدُ إلا إياهُ، مُخلصين له الدين ولو كره الكافرون، اللهم صلِ على سيدنا محمدٍ، وعلى آل سيدنا محمدٍ، وعلى أصحاب سيدنا محمدٍ، وعلى أنصار سيدنا محمدٍ، وعلى أزواج سيدنا محمدٍ، وعلى ذرية سيدنا محمدٍ، وسلم تسليمًا كثيرً **** كل عام وجميع الأمة الإسلامية بخير

facebook

النتائج 1 إلى 9 من 9

الموضوع: كيف تذاكر يا طالب الصيدلة

  1. #1
    إعدادى صيدلة الصورة الرمزية Dr.Dody
    تاريخ التسجيل
    Jul 2009
    الدولة
    فى أرض الله الواسعة
    المشاركات
    150

    كيف تذاكر يا طالب الصيدلة

    انا عارفة ان لسه بدرى طبعا لكن بردو اقراوا واطمنوا
    السلام عليكم

    هنتكلم سوا عن طرق تسهل المذاكرة لمواد اعدادى بداية من الترم الثانى
    قبل منتكلم عن المواد تفصيلا نتكلم عن طرق عامة للمذاكرة
    طبعا طريقة المذاكرة تختلف من طالب لآخر حسب استعداده النفسى وظروفه البدنيه والنفسيه والأسرية يعنى العوامل اللى بتحدد مدى توفير جو هادىء ومناسب وتخصيص عدد ساعات ط***ة للمذاكرة وامكانية الترفيه القصير والعوده وهكذا وعدم تحمل مسئوليات أخرى من الأسرة أو من غيرها وقت المذاكرة وجو التوتر... الخ
    وعدم انشغال الذهن بأمور أخرى برة المذاكرة وعدم المذاكرة أول بأول يعنى أد ايه متراكم بدون مذاكرة ..الخ
    ومنها التشويش كوجود كاسيت جنبك أو ناس صوتها عالى ... أو ناس بتذاكر فى مجموعة أو ناس متغربين اما ساكنين فى طنطا أو بيسافرو يوميا
    المتغربين وساكنين فى طنطا بيقابلهم مشاكل بتاخد من وقتهم زى تنظيف المكان وتوضيب الأكل والطبيخ فى بعض الأحيان والإحساس بالغربة من وقت لآخر مما يسبب السرحان
    واللى بيسافرو يوميا بيلاقو الأكل مستنيهم ولكن بيبقو تعبانين من كتر السفر ( يعنى محتاجين نوم ) ده غير الوقت اللى بيضيع فى المواصلات
    وطبعا كل طالب وطالبة بيختار الأفضل له حسب استعداده النفسى والمادى وظروفه الخاصه


    كلامنا هنا هيبدأ من لحظة جلوسك على كرسى المذاكرة
    أذاكر ازاى ؟

    بس أنا عاوز أتكلم عن حاجه مهمه أوى قبل مقول طرق المذاكرة:


    ( 1 ) توفير الوقت
    ( 2 ) لازم أحدد هذاكر منين

    أولا توفير الوقت :

    كلنا عارفين أن الكليه جد مش زى أى كلية تانيه يعنى لازم شغل وتعب فنحاول بقدر الإمكان منضيعش وقتنا أنا بقول الكلام ده وانتو مبتحسوش بيه الا عند النتيجه لما تلاقى زميلك نلجح وانت شايل أو مدبلر – لا قدر الله – بس مش معنى كده انى أتكتم واتحبس وأتخنق فى معسكر مغلق بدون أى ترفيه لمدة خمس سنوات
    أنا مقولتش كده لازم تكون صداقات ويكون لك أصحاب ومفيش مانع من الرحلات المباحة وتنمية بعض الهوايات وممارسة بعض النشاطات والسمر مع الأصدقاء وايه المانع انى أكون مشترك فى فريق الكلية بتاع كرة القدم أو الكرة الطائرة أو السلة أو الإسكواش أو اللجان المختلفة المباحة

    كل ده جميل ولا يتعارض مع النجاح بتفوق فى الكلية ولكن احنا مش بنعرف نحسبها صح

    بمعنى اننا بننسى نفسنا مبنعرفش نوسطن الأمور .. معندناش وسط .. يامقفلين خاص يافاتحينها ع البحرى
    لو اتعملت الأنشطة دى بتوسط وبجرعات قليلة معقولة هتلاقى نفسيتك اتجددت ونشاطك زاد وبقيت أفضل وطاقتك فى المذاكرة هتزيد
    بس فيه حاجه مهمة جداااااااا ااااا
    فيه بعض الواجبات الكتابية مثل كراسات العملى
    ليه نسيبها تتراكم علينا طول الترم ونقعد نرغى فى السكاشن فى كلام فاضى ونتزنق آخر الترم ونضيع فيها يوم كامل أو يومين والوقت فى آخر الترم بيبقى قاتل كل ثانيه ليها تمن ........ صح واللا لأ ؟
    ايه المانع إنى أكمل كراستى سكشن بسكشن فى قلب المعمل يبقى شلت من على دماغى حمل كبير

    الحاجة التانيه : أنا عارف انى لما هروح البيت هصلى كل الأوقات أو غالبا الظهر والعصر طيب ليه ماصليهمش فى وقتهم فى الكليه منها آخد ثواب الصلاة على وقتها ومنها أوفر الوقت ده فى البيت وأخليه للنوم أو المذاكرة ؟
    عرفتو أد ايه انتو بتضيعو وقت كتير ؟ وترجعو تقولو احنا اتزنقنا والكلية صعبة ومفيش وقت للمذاكرة .......الخ


    ثانيا : أذاكر منين ؟


    بمعنى ايه المصدر اللى أذاكر منه ؟
    هل أذاكر من المذكرة مباشرة ؟ واللا من الورق اللى زملائى بيبيضوه ؟ واللا من الإتنين ؟ واللا من ورق السنة اللى فاتت ؟
    أولل حاجة لازم أحضر المحاضرة.


    أنا عارف ان فيه ناس منكو دلوقتى هترد بسرعة وتقول : مبنفهمش حاجه .. الدكتور بيقول بسرعة مبنلحقش نتابع ولا نكتب .. عشان كده قلتها أحسن .. أنا أفرفش نفسى برة المدرج وأتكلم مع زميلتى وآكل كيس واللا اتنين بيك رولز واللا كرانشى واللا مورو وأشرب كانز.. بعدها تكون المحاضرة خلصت ولما أصحابنا يبقو يخلصو كتابتها نبقى نصورها منهم .......... . صح ياشباب بتقولو كده واللا لأ ؟

    هرد عليكو وأقولكو فيه حاجه أحسن من كده

    اللى بيحضر المحاضرة حتى لو مفهمش حاجه غير اللى محضرش خالص .. ليه ؟
    أول حاجه بياخد معاه المذكرة وبيخطط على العناوين اللى الدكتور بيتكلم فيها وده مهم جدا من الناحية النفسية لأنه بيشيل حاجز الرهبة مع الموضوع
    تانى حاجه بيسمع طريق نطق الدكتور للمصطلحات العلمية مثل أسماء النباتات مثلا حتى لو ملزقتش فى مخه يبقى عدت عليه قبل كده ..... تفرق كتير
    ثالث حاجه ياريت اللى يحضر ياخد معاه ورقتين فاضيين يحاول يكتب ورا الدكتور ولو حتى شوية شخابيط حتى لو ملحقش يكتب

    أنا عارف أن موهبة كتابة المحاضرة مش عند كل الناس لأنها محتاجة شىء اسمة توافق عضلى عصبى neuromuscu lar coordinati on وده مش موجود عند كل الناس
    ولكن الشخابيط اللى بتكتبها ورا الدكتور فى منتهى الأهميه مش هتحس بكده الا بعد متروح البيت يوم المحاضرة وتحاول تقرا الشخابيط وتفتكر .. ساعتها هتعرف قيمة الشخابيط دى وياسلام لو كتبت حاجة تضحك الدكتور قالها أو موقف لذيذ حصل أثناء الشرح ....... عمرك ماهتنساه أبد ولا المعلومات اللى ارتبطت بيها
    دى كانت نقطة حضور المحاضرة
    بعد كده لما حضرت وعرفت الكتور اتكلم فى ايه أقارن المذكرة بالورق بتاع السنة اللى فات بالورق اللى الزملاء مبيضينة بس مش عاوزين مقارنه موسوسه ......... يعنى مش عاوزين رسالة دكتوراه ... عاوزين الإنجاز والقرار السريع عشان نبدأ

    بس نخللى بالنا أن دايما أو غالبا زملائنا بيكتبو حاجات غلط فى الورق بتاعهم ....... دورنا فى الوقت ده نصحح الخطأ من المذكرة أو من أى مصدر آخر أو أسأل الدكتور مباشرة

    وده بيفسر ليه فى بعض الأحيان ليه اللى بيبيض محاضرات للدفعه بيشيل المادة واللى بيقرو منه بيجيبو تقدير.
    دلوقتى احنا حددنا المصدر...

    ونبدأ الكلام عن طريقة المذاكرة:


    نتكلم دلوقتى عن كيفية مذاكرة الأورجانك
    أول حاجة لازم أعمل كراسة مخصوص للميكانزما ت وأعملها بإيدى مش أصورها من غيرى
    طيب أعملها ازاى ؟
    أولا كل ميكانزم يتعمل فى صفحة مستقلة مهما كان ط*** أو قصير منعا للتداخل
    فى أول الصفحة نكتب اسم الميكانزم بلون مميز
    تحتها على طول نكتب ملخص الميكانزم بمعنى
    starting materials --------------------------------------------------------> products
    ونكتب على السهم عوامل وظروف التفاعل
    وبعد كده نشد خط عشان نفصل الخلاصة الموجزة السابقة عن التفصيل الآتى
    بعد الخط نبدأ فى كتابة الميكانزم بالتفصيل ونحاول يخلص فى صفحة واحدة مهما كان ط***
    والصفحة اللى بعدها الميكانزم التالى وهكذا
    وبعد منخلص الكراسة نذاكرها ازاى؟
    عندنا حوالى 30 ميكانزم ممكن يدخلو كلهم فى بعض وجايين جايين فى الإمتحان نستخدم معاهم طريقة الكومودينو كالآتى:
    بعد مانستعد للنوم ونتوضى كراسة الميكانزما ت تكون على الكومودينو اللى جنب السرير اللى بننام عليه نستلقى على ضهرنا وننور الأباجورة أو مصدر اضاءه مناسب ونفتح الكراسة ونتصفح الميكانزما ت واحد واحد تصفح جرنال الحكاية دى ممكن تاخد أول مرة 20 دقيقة وبعد كده نقول أذكار النوم ونروح فى سابع نومة .

    طبعا هتقولو كده مفيش تركيز ولا ورقة ولا قلم

    بس علم النفس بيقول غير كده المعلومة اللى بتتقرى قبل النوم بتثبت بشكل غير عادى وبعدين متنسوش فيه عامل مهم اللى هو ال hand memory انتو نسيتو ان انتو اللى محضرين الكراسة دى بنفسكو
    وبعدين هوه الموضوع انتهى على كده ؟
    لسة... احنا بنكرر الحكاية دى يوميا يعنى عشر دقايق قبل النوم يوميا من غير تضييع وقت ولا تمقيق عينين ولا تعب هتلاقى نفسك عرفت مكان كل ميكانزم فى الكراسة وبدأت تعرف شوية تفاصيل
    بعد كده ننتقل لمرحلة أعلى level 2 كالآتى :
    نصور الكراسة فى ماكينة التصوير ونجيب corrector ونمسح البيانات اللى على كل الميكانزما ت بداية من اسم الميكانزم الى أسماء الintermed iates ………etc ونرجع نصورها تانى بعد عملية ال corrector وبعد كده ننتقل لمرحلة اختبار ذاتى يوميا بمعنى نبص فى الورق اللى من غير بيانات ونحاول نفتكر اسم الميكانزم وأسامى المركبات والinterme diates طبعا أكيد هنغلط وممكن منفتكرش على طول نرجع للكراسة بتاعتنا ونعرف الإجابة الصحيحة وهكذا

    التكرار اليومى لمدة عشر دقايق بس وقبل النوم بهذه الطريقة سبب كافى للحصول على تقدير امتياز بإذن الله.
    ماشى ياشباب؟
    أنا عارف انكو هتقولولى : وهى الorganic ميكانزمات بس ؟
    معاكو حق بس مفيش شك انها جزء كبير وبيي** فى الإمتحان لامحالة ومضمون بإذن الله .
    ** لكن فيه حاجه مهمه جداااااااا اا من غيرها مش هنعرف نحل أى حاجه
    تفتكرو هيه ايه ؟
    أكيد عرفتوها
    Nomenclatu re
    صـــــــــ ــــــــــ ـــــــــح ؟
    أحيانا بتي** التفاعلات من غير رسم الstructur e والمركب يتكتب الnomencla ture بتاعه ويحط على السهم مواد التفاعل أو ظروفه ويطلب منك الناتج طبعا لو منتش عارف ال nomenclatu reمش هتعرف ترسمه وبالتالى مش هتعرف الناتج حتى لو مذاكر
    يبقى لازم نعرف ال nomenclatu re كويس أوى ومنستهترش بيها ونعرف كل كبيرة وصغيرة فيها
    طب نبقى شاطرين فى ال nomenclatu re ازاى ؟
    بصراحة لقيت كتاب فى المكتبة ممتاز فى هذا الموضوع اسمه
    organic chemistry (Morrison & Boyd)
    بيشرح التسميه بنظام IUPAC(inte rnational union of pure & applied chemistry )
    توجد منه نسخ كتير جداااااااا ا فى مكتبة الكلية وأسلوبه رائع مناسب جداااااااا اا لمستوى الطالب أنا شفت الطبعة السادسة بتاعته موضوع ال nomenclatu re موجود من ص 87 الى ص 92 ياريت ترجعوله ولو وقفت معاكو أى نقطه تعالو اسألو فيها نوضحها انشاء الله .
    ** أنا عارف ان الstereoch emistry تقيلة عليكو حبتين لأنها محتاجة شوية تخيل عموما فيه كتاب فى المكتبه رائع وبسيط جدااااا زى ملخصات الكتب الخارجية بتاعة ثانوى بس مش فاكر اسمه دلوقتى انشاء الله أقوله لما أفتكره .
    ** اتهيألى دلوقتى بقيت الorganic سهلة جدااااااا والنجاح بقى قريب انشاء الله .
    ** انت بس تاخد بالك فى العملى وتعمل اسكيم كويس وتركز وتحاول تاخد الميت درجه دول لأنهم مضمونين أوى وبينفعوك جامد
    ** مش هيبقى فاضل غير الشفوى : طبعا الشفوى دايما قسمة ونصيب
    بس فيه حاجات حسن التصرف بيلعب فيها دور كبير يعنى مثلا تروح الإمتحان تكون مصلى الفجر وقايل الأذكار ولابس كويس وغاسل وشك بالميه والصابون وحاطط بارفان ( الولاد بس طبعا ) ومسرح شعرك ومتدخلش مع الشطار خصوصا لو منتش مذاكر كويس .

    طيب لو عملت ده كله والدكتور سألك فى حته انته متعرفهاش أو منتش مذاكرها كويس تعمل ايه؟

    هنا حسن التصرف مهم جداااااااا ااا وبيلعب دور كبير
    ازاى ؟
    تحاول تسحب بساط الكلام لموضوع انت مذاكره كويس بأسلوب كويس من غير متحسس الدكتور انك بتغير الموضوع أو بتهرب من السؤال واوعى تقول معرفش الا اذا الدكتور زنقك فى خانة اليك وركز معاك أوى ساعتها قول معرفش بس أعرف كذا وكذا وكذا .. يعنى حاول تفهمه انك عارف حاجات كتير ( بس خللى بالك وانت بتعمل كده انك متكذبش عشان ده أكتر وقت انت محتاج فيه ربنا )

    ** اتهيالى دلوقتى اديتكم كل اللى عندى فيما يتعلق بمذاكرة ال organic

    أرحب بالمزيد من الأسئلة والإستفسار ات
    مع أرق تمنياتى للجميع بالتوفيق والنجاح


    منقول من موقع د.محمد فهمي
    دكتور العقاقير بصيدلة طنطا


  2. #2
    إعدادى صيدلة الصورة الرمزية Dr.Dody
    تاريخ التسجيل
    Jul 2009
    الدولة
    فى أرض الله الواسعة
    المشاركات
    150

    افتراضي رد: كيف تذاكر يا طالب الصيدلة

    بسم الله الرحمن الرحيم
    إمتحان الشفوي

    من أهم المراحل التي تكسب الطالب مهارة إلقاء المعلومةورصدهااما الغير
    فإمتحان الشفويلا يعتمد على الحفظ فقط
    إنما يعتمد على ثقتك فيما تقوله وإيمانك به
    وجعل الذي أمامك يقتنع بما تقول
    عند دخول الإمتحان (الشفوي) إحرص على جعل مظهرك جميلا ومهدبا وانيقا
    حاول الهدوء والسكينةواسمع السؤال بتروي وتركيزوإن جاءك سؤال لم تفهمه
    لا تخجل في طلب الإستماع إليه مرة اخرى
    عند الإجابةانظر في عين الممتحن وجاوب ماتعلمه ببساطه وهدوءحاول إن تعرض موضوع إجابتك لتوضيح بان تسارع في توضيحه ولا تعطي فرصة للممتحن من طلب التوضيح منكسؤال يسأله الممتحنين كثيرا
    (إنت مذاكر إيه من المنهج )
    انصحك بان لا تجيب كعاده الطلبةأنا مذاكر الجزء الفلاني أو ماشابه
    إياك
    فهذا إمتحان لك
    فما عليك إلا ان تكون واثقاوتجيب بأنك مذاكر المنهج كله
    سؤال اخر
    (تحبني أسئلك في ايه )
    نصيحتي بان تجيبه
    مثل ماتحب يا دكتوروأنا إن شاء الله ساجيب
    إن أخطأت في سؤال او ماشابه
    إعرض على الممتحن بأن يسألك سؤالا أخر لتحسين درجتك
    وأخيراتمتع بالاخلاق ليس في الإمتحان فقط
    وإنما اجعله سلوك ينعكس عليك وعلى تصرفاتكوالطالب المهذبل
    هو افضل واجدر بالإحترام من المتفوق الغير مهذب
    ولتعلم بأن العين بالنظر عليها تعكس مافي القلوب وما في العقل الباطنوإياك ان تسال الممتحنهوا انا اخدت كام ؟؟؟اتركه واخرج بسلام
    وإن شاء الله
    ترى النتيجةيارب
    الإمتيازالإمتياز
    لأن لو كان هذا هو طموحك
    ستناله

  3. #3
    إعدادى صيدلة الصورة الرمزية Dr.Dody
    تاريخ التسجيل
    Jul 2009
    الدولة
    فى أرض الله الواسعة
    المشاركات
    150

    افتراضي رد: كيف تذاكر يا طالب الصيدلة

    هذه تلميحات مهمة جدا للطلاب الجدد في كليات الصيدلة... .


    * الصيدلة = دراسة كل ما يخص الدواء... أما الطب = دراسة كل ما يخص المرض...!


    =====


    * في كلية الصيدلة المواد تنقسم الى قسمين:
    - القسم الأول: مواد تأهيلية... غير مختصة بمجال الصيدلة... لكنها تساعدك على فهم مواد علوم الصيدلة المتخصصة.. . مثل: معظم مواد الكيمياء (العضوية وغير العضوية والتحليلية والفيزيائي ة والحيوية) <--- لاحظ كمية مواد الكيمياء في كليتنا! ومثل مادة المصطلحات العلمية والرياضيات ومقدمات العلوم الطبية كالتشريح والفيسيولو جي (علم وظائف الأعضاء) والأنسجة (الهستلوجي )... إلخ.


    - القسم الثاني: مواد متخصصة: وهي تمثل العلوم الصيدلية مثل العقاقير والصيدلاني ات والكيمياء الصيدلانية الصيدلة الإكلينيكي ة وصيدلة المستشفيات ...إلخ!


    إذن الاهتمام البالغ بدراسة وفهم مواد القسم الأول يسهل عليك كثيرًا فهم ودراسة مواد القسم الثاني...!


    =====



    * العملي في كلية الصيدلة ينقسم إلى 3 أقسام رئيسية:


    1- عملي الغرض منه التعرف على العينة المجهولة: مثلا في العقاقير تتعرف على النبات الذي أعطوك مسحوقه من خلال إجراء تجارب كيميائية أو فيزيائية وأحيانا من خلال النظر المجرد.


    2- عملي الغرض منه مع***ة العينة المجهولة أو المعلومة: معرفة تركيزها أو وزنها أو تحديد أي قيم خاصة بها.


    3- عملي الغرض منه صنع أو تركيب مستحضر أو مادة معينة: مثل مادة الصيدلانيا ت حيث تقوم بعمل أشكال دوائية في المعمل (أدوية شرب- فوارات- أقماع- مستحلب...ا لخ). أو في الكيمياء حيث تقوم بصنع مركبات كيميائية بسيطة (مثل تحضير الاسبرين في المعمل!).


    =====


    * ينقسم العملي من حيث الدراسة الى: نظري العملي (معلومات نظرية باختبارات تحريرية) وتجارب (انظر النقطة السابقة).


    =====


    * التدريب في الصيدليات ينقسم الى مرحلتين:
    مرحلة ما قبل الفارماكول وجي وما بعد الفارماكول وجي...(معن ى فارماكولوج ي: علم الأدوية، وفي هذه المادة تتعرف على أنواع الأدوية وعائلاتها وتدرس كيفية تأثير الدواء على الجسم)
    ما قبل الفارماكول وجي: تركز في تدريبك على معرفة الأشكال الدوائية.. .. وطرق استخدامها. .. والأدوية اللاوصفية (التي تصرف دون روشتة)... وتقسيم وترتيب الصيدلية.. . ومبادئ الاسعافات الاولية... والنصائح الصحية الأساسية في الأعراض والأمراض اليسيرة كالبرد والإسهال والإمساك والصداع ...إلخ.
    ما بعد الفارماكول وجي: ستتدرب بترتيب منهج الفارماكول وجي !!!!!!!!!!

  4. #4
    إعدادى صيدلة الصورة الرمزية Dr.Dody
    تاريخ التسجيل
    Jul 2009
    الدولة
    فى أرض الله الواسعة
    المشاركات
    150

    افتراضي رد: كيف تذاكر يا طالب الصيدلة

    تلميحات عن نظام الحياة في الجامعة



    - الاختلاط هو البلاء الأكبر في الحياة الجامعية.. . فاحذر منه... واحتم بالصحبة الصالحة...
    ويمكنك تقليل مساوئه بالتالي:
    * الانتقال الى سكاشن الأحمدات والمحمدات. .. بالنسبة للبنات: الانتقال لسكاشن الدينات والحنانات أو ما يشبههما ... حيث ينعدم وجود الجنس الآخر!
    * بالنسبة للطلاب: احرص على الصفوف الأولى في المدرج... لتقليل الخسائر!!! !
    * لا (تتسكع) في الكلية دون فائدة أو هدف... واحمل مصحفك ليملأ وقت فراغك بين المحاضرات بالسكينة والنور.


    - زملاء الدراسة نوعان:
    *النوع الأول: زميل تايه... لا هدف له واضح... ضعيف الهمة... (مكبر) الدماغ... يشجعك على الكسل وتأجيل المذاكرة.. . هذا الصنف... فر منه فرارك من الأسد!


    *النوع الثاني: زميل عالي الهمة... أهدافه واضحة... عاقل... يشجعك ويحثك على الاجتهاد في الدراسة مبكرا... الزمه... وان لم تجده فكن هو... ولا يضرك تفردك!



    - الأسر الطلابية نوعان:
    * أسر موظفة (للهلس) وعدم التقيد بحدود الشرع... فلا تنتمي لها... ولا تتعامل معها... حتى لا يحرقك (كيرهم)...
    * وأسر (ملتزمة) وهي على قلتها أنواع:
    1- أسر اسلامية.
    2- أسر مهتمة بخدمة المجتمع والأعمال الخيرية.
    3- أسر علمية.
    هذه الأنواع فقط هي التي تستحق تخصيص وقت وجهد معها.


    - مسجد الكلية = واحة الأمان... وسفينة النجاة... فاستظل بظله... وتمسك بطوقه

  5. #5
    إعدادى صيدلة الصورة الرمزية Dr.Dody
    تاريخ التسجيل
    Jul 2009
    الدولة
    فى أرض الله الواسعة
    المشاركات
    150

    افتراضي رد: كيف تذاكر يا طالب الصيدلة

    بسم الله الرحمن الرحيم
    وأود أن اقول لكل طالب صيدلة:


    (1) انك فى السنوات الأولى ستدرس ان شاء الله مواد قد تبدو لك ليس لها علاقة بالصيدلة وانك بتذاكرها حتى تدخل الامتحان وتحصد الدرجات ولكن فى الحقيقة اصلا هذه المواد لتؤهلك للمواد المتخصصة فيما بعد


    فمثلا:



    الكيمياء التحليلية -الكيمياء العضوية-الكيمياء الغير عضوية



    كلها لتؤهلك لدراسة الكيمياء الصيدلية التى تدرس فيها:



    *التركيب الكيميائي للدواء


    *الاسم العلمي والكيميائي


    *كيفية تصنيعه من مواد اخرى (تفاعلات كيميائية تحول مواد معينة الى الدواء المراد)


    *كيفية تعيين كمية الدواء والتأكد منه ومن خلوه من مواد اخرى قد تكون ضارة


    *كيفية عمل هذا الدواء.



    ومثلا الفسيولوجي يؤهلك لمادة



    الفارماكول وجي (أمتع مادة فى كلية الصيدلة)



    لانك لن تستطيع ان تفهم عمل الدواء بدون ان تفهم ميكانيكية عمل الجهاز او المنطقة الذي يعمل عليه هذا الدواء فى الجسم.



    وهكذاااااا اا


    لذلك انصحك الا تضيع الفرصة وان تنتهزها لتؤهل نفسك لدراسة المواد الداخلة فى التخصص فى السنوات الاخيرة والا تعقّد نفسك من المواد التى تدرسها فى البداية..ا قتنع بانها تأهيل لك لدراسة المواد الممتعة فيما بعد



    (2) مادة الفارماكول وجي اهتم بها جدا وافهمها لا تمر عليها مر الكرام كأى مادة...لأن ها صميم دراسة الصيدلى..ا ستمتع فعلا استمتع بها افهم فيسيولوجي جيد جدا
    وابحث فى الكتب والمراجع عن اى شيء لم تفهمه واسأل

    وفقكم الله تعالى
    وسهًّل لنا كل عسير

  6. #6
    إعدادى صيدلة الصورة الرمزية Dr.Dody
    تاريخ التسجيل
    Jul 2009
    الدولة
    فى أرض الله الواسعة
    المشاركات
    150

    افتراضي رد: كيف تذاكر يا طالب الصيدلة

    طرق الوصول للنجاح

    هل ألغي كل ما أفعله الآن وأتعلم طرقا جديدة ؟

    كلا، لأنك مازلت طالبا معتمدا على طرقك وعاداتك الدراسية، بل عليك قضاء بعض الوقت في مراجعة طريقتك في الدراسة مع التعرف على كيفية المذاكرة من الآن بإدراك ووعي لأن ما يناسبك طالبا قد لا يتناسب آخر.

    ما هي مبادئ الاستذكار ؟
    .استخدام أسلوب النشاط الذاتي وعدم الاعتماد على المدرس أو زميل آخر .
    . الفهم والتنظيم لاستيعاب المادة العلمية والاستمرار في تحصيلها .
    . التكرار في التحصيل كدافع لمواصلة المذاكرة المثمرة.
    . المعرفة بمدى التقدم في التحصيل كدافع للطموح والنشاط.
    . معرفة الغرض من استذكار المادة لتسهيل عملية الفهم والتحصيل.
    . إشباع الحفظ بالإعادة والتمرين من خلال حل التمارين والتطبيقات المختلفة.
    . استذكار المواد الصعبة في فترة تفتح الذهن قبل الشعور بالإرهاق ومن ثم استذكار المواد المبسطة السهلة التي لا تحتاج إلى عمليات ذهنية.
    .

    الطرق المثلى للاستذكار :

    أولا: "طريقة الاستذكار الموزع"

    وفيها يستريح الطالب خمس دقائق بعد كل ساعة من المذاكرة المتصلة تقربا وذلك لتحديد النشاط الذهني والجسمي. وقد ثبت أن طريقة الاستذكار الموزع على فترات أفضل من طريقة الاستذكار المتواصل لساعات ط***ة.

    ثانيا: "الطري قة الكلية والطريقة الجزئية"

    تقوم الطريقة الكلية على أساس قراءة المادة من أولها إلى آخرها مرة واحدة بفقراتها المتعددة، ثم قراءتها مرة ثانية للوصول إلى الفكرة الكلية.
    أما الطريقة الجزئية فتقوم على أساس تجزئة المادة إلى وحدات منفصلة تدرس كل منها على حدة رغم ترابطها

    "طريقة التسميع الذاتي"

    التسميع هو التأمين على المعلومات ضد النسيان وهو استرجاع ما تم حفظه أو فهمه من المادة بإحدى الأساليب التالية :

    . تكرار كلمات من جمل.
    . تكرار جمل بأكملها.
    . إعادة بعض الجمل بأسلوبك الخاص.
    . تلخيص الجمل واختصارها.
    . كم من الوقت تقضيه في التسميع ؟
    . إذا كانت المادة متفرعة ومعناها غير واضح في ذهنك فإن 90-95% من وقت مذاكرتك تحتاجه في التسميع أي معظم الوقت.

    . أما مواد الاقتصاد وعلم النفس والفلسفة والمنطق فإن تسميعها يحتاج إلى 50% من وقت المذاكرة أي نصف الوقت.
    . المواد المتسلسلة كأحداث القصة مثل التاريخ، السيرة النبوية فإن التسميع فيها يحتاج من 20-30% من وقت المذاكرة أي ربع الوقت.
    . وللتسميع أنواع ثلاثة : شفوي - تحريري - عملي
    "طريقة القراءة الجيدة"
    . اقرأ الفصل بأكمله.

    . اسأل نفسك أسئلة تتعلق بما قرأت.
    . حاول أن تجيب على تلك الأسئلة عندما تقرأ للمرة الثانية

  7. #7
    عضو
    تاريخ التسجيل
    Jan 2011
    المشاركات
    2

    افتراضي

    أنا نفسى ادخل كليه صيدله وحبيت علشان كده اشكرك على المجهود الاكثر من رائع

  8. #8
    عضو
    تاريخ التسجيل
    Aug 2012
    المشاركات
    43

    افتراضي رد: كيف تذاكر يا طالب الصيدلة

    شكرررررررر رررررررررر رررررررررر ررررا على المعلومات القيمة دي
    ربنا يجعلها في ميزان حسناتِك

  9. #9

المواضيع المتشابهه

  1. أول كتاب مهني باللغة العربية في الصيدلة
    بواسطة دكتور أميرة مراد في المنتدى منتدى كلية الصيدلة
    مشاركات: 1
    آخر مشاركة: 03-24-2023, 09:43 AM
  2. ماهى الصيدلة ؟؟ ومن هو الصيدلى ؟
    بواسطة ~*شمس الإسلام*~ في المنتدى منتدى كلية الصيدلة
    مشاركات: 2
    آخر مشاركة: 10-29-2010, 02:20 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •