المناهج الجديدة 2018 / 2019 :

الله أكبر الله أكبر الله أكبر، لا إله إلا الله، الله أكبر الله أكبر، ولله الحمد، الله أكبر كبيرًا، والحمد لله كثيرًا، وسبحان الله بكرةً وأصيلًا، لا إله إلا الله وحدهُ، صدق وعدهُ ونصر عبدهُ وأعز جندهُ وهزم الأحزاب وحدهُ، لا إله إلا الله ولا نعبدُ إلا إياهُ، مُخلصين له الدين ولو كره الكافرون، اللهم صلِ على سيدنا محمدٍ، وعلى آل سيدنا محمدٍ، وعلى أصحاب سيدنا محمدٍ، وعلى أنصار سيدنا محمدٍ، وعلى أزواج سيدنا محمدٍ، وعلى ذرية سيدنا محمدٍ، وسلم تسليمًا كثيرً **** كل عام وجميع الأمة الإسلامية بخير

facebook

صفحة 1 من 2 12 الأخيرةالأخيرة
النتائج 1 إلى 10 من 11

الموضوع: طرق لف الطرح بالصور

  1. #1
    عضو الصورة الرمزية ولاء555
    تاريخ التسجيل
    Aug 2009
    الدولة
    مصر/حلوان
    المشاركات
    128

    طرق لف الطرح بالصور

    معلش ياجماعة انا بقالي كتير مش بشارك في المنتدي بس بجد عندي عذري عموما انا مش هطول عليكم انا جيبلكم طرق لف الطرح بالصور علشان المحجبات وغير المحجبات وكمان فيديو

    طريقة لف الحجاب فيديو



    طريقة لف الحجاب المصري



    طريقة لف الحجاب نانيس سليم


    هي طريقة لف الايشاربات الاسبنش

    تستخدم فيها ايشاربين مع بعض... الأول مستطيل عرضه 2 سم وطوله 1 متر ونص من أول طرف الايشارب وعلى أول منابت الشعر نربطه على ورا على كحكة الشعر وبعد كده نجيب ايشارب تانى كبير عريض ونحطه فوق الايشارب الأول بعده بعده بمسافة أو فوقه.. الطرف الط*** ممكن نعمل به شكل الوردة أو شكل آخر...












    ودى لفات شيك ايضا وسهله










    صور حجاب للمراة وطريقة تشرح كيفية لفه على الراس






















    يارب يكونو عجبوكو


















    هل ممكن البنت تستخدم الطرحة لإخفاء عيوب الوجه والمناطق الضخمة في وجها؟
    آه طبعا.. أكيد..

    طيب ازاي؟
    شوفي لو مثلا البنت وجهها ط*** يبقى تحاول تعمل الطرحة لتحت في اتجاه الخلف أو على جنب، وبعدين تقصر الجبهة وتضيف أي حاجة على الجانب علشان الوجه يبان إنه عريض.
    وخلّي بالك إن الوجه الط*** لا يتناسب معاه الربطة العالية لأنها هتطوّل الوجه أكثر.

    طيب لو بنت وجهها مدوّر؟
    يبقى بلاش تلف الطرح على جنب إطلاقا لأنها تزيد من مساحة (الخدود) وتعمل الطرحة للخلف، لتحت أو لفوق، وممكن تعمل الطرحة شينوه لفوق، وممكن تعمل الربطة ديل حصان لفوق عشان الوش يكون رفيع.

    والوجه المربع أو المستطيل؟
    الوجه المربع والمستطيل بيكون عنده أربع بذور، اثنتين في الجبهة واثنتين في الفكين وعلشان كده لازم تنزل بالطرحة لتحت شوية ونعمل (كروس) طرحة عكس الثانية والطرحة بتساعد إن الوش يكون رفيع وتحاول تداري الجبهة وتحاول تنزل بالطرحة على الجبهة وتقفل الجبهة.

    والوجه البيضاوي؟
    معظم الربطات تمشي معاه وممكن تعمل ربطة على جنب أو تقفل من قدام أو تعمل كروس.

    طيب صاحبة الأنف الكبير تعمل إيه؟؟
    صاحبة الأنف الكبير بيكون عندها مشكلة في الحجاب لأن أنفها ظاهر واضح في الوجه وفي هذه الحالة ماينفعش معاها إننا نعمل إسبانش للخلف أو طرحة هابطة وماسكة على وجهها فتحاول إنها تلبس طرحة منفوشة شوية أو تضع إكسسوار أو تعمل أكتر من طبقة أو تدخل أكثر من بندانة عشان تخطف العين ولا تجعل التركيز على أنفها.

    لو الشفايف كبيرة نعمل إيه؟
    نفس الحكاية تحاول تلفت النظر بأي شيء يبعد التركيز عن وجهها وتعمل ماكياج كثير على عينها والطرحة تكون منفوشة وتغير في الربطات والألوان.

    نتكلم بالتفصيل شوية عن شكل الربطة المناسبة للبنت في الجامعة؟
    ربطة الطرحة لازم تكون بسيطة وخفيفة فممكن تستخدم طرحة أو طرحتين على الأكثر.. يا ريت تحاول تبعد عن الألوان الكثيرة وتكون رقيقة على قد ما تقدر وتبعد تماما عن التول والأورجانز ا. وتاخد بالها كويس جدا من لبسها فلو مثلا لابسة حاجة سادة يبقى ممكن الطرحة يكون فيها ألوان، لكن لو لابسة حاجة ملونة أو فيها نقوش يبقى لازم الطرحة تبقى سادة.

    وممكن البنت تنوع في شكل ربطة ...وممكن البنت تنوع في شكل ربطة الطرحة بتاعتها وهي رايحة الجامعة فممكن إنها تعمل ربطة إسبانش، بس تاخد بالها إنها تلفها زي الكحكة وتجيبها على قدام، ولو مش عايزة إسبانش يبقى تربطها عادي بطرحة أو طرحتين أو طرحة وبندانة.


    عايزين طريقة لفة طرحة تكون روشة؟
    1 - نجيب إيشارب واحد نربطه من الخلف طرف ط*** وطرف قصير.
    2 - الإيشارب الثاني نمسكه بطريقة مائلة ونربطه من الخلف.
    3 - كده أصبح عندي أربعة أطراف في الخلف، 2 قصيرين و2 طوال.
    4 - بعد كده أجيب واحد من الطرفين الطوال وأطلع بيه عدل وأربطه تاني للخلف.
    5 - كده المنظر أو الشكل عدل بميل واللي بعده عدل.
    6 - هيكون باقي عندي طرف ط*** وطرفين قصيرين.. في هذه الحالة ممكن أجيب الطرف الط*** ألفه على الكحكة وأجيب الثلاثة أطراف على قدام.
    7 - لو الأطراف ط***ة أعملهم ضفيرة لقدام أو على الخلف.
    8 - وممكن فكرة ثانية أجيب الطرف الط*** ألفه على الطرفين القصيرين وأمسكهم في النصف بإكسسوار على كحكة من وراء.
    9 - إذن المنظر في النهاية هيكون من قدام عدل ومائل ومن الظهر الأطراف عاملة زي (ذيل الحصان) ومربوطة بإكسسوار.


    ربطة الطرحة السواريه تكون عاملة ازاي؟
    الأفضل تكون أكثر من طرحة وفي البداية:
    1 - أبدأ الأساس بالطرحة الشيفون.
    2 - بعدين أضع الطرحة التول عشان بيعطي للبنت شكل فخامة.
    3 - وبعدها أضع إكسسوار زي (شريط ستان – سلاسل خرج النجف) أو قطعة من الفستان.
    4 - وبعدها أقفل الطرحتين بأكثر من طريقة ممكن الشيفون والتول مع بعض لقدام أو المهم مع بعض كلهم شنيوه عالي لفوق.

    عايزين نعرف طريقة ستايل لربطة التول والشيفون؟
    1 - أجيب الطرحة الشيفون أربطها على شكل كحكة.
    2 - أجيب الطرحة التول وألبسها من الخلف وأعملها كروس على قدام.
    3 - أنزل بيهم تاني للخلف وكده هيعطيني شكل البندانة.
    4 - بعد كده ألمهم كلهم مع بعض على تحت الشيفون مع التول.


    عايزين نعرف طريقة ثانية لربط ثلاث طرح وتكون روشة؟
    1 - الطرحة الشيفون أول طبقة.
    2 - الطرحة الثانية أجيبها من نصف رأسي بالطول.
    3 - الطرحة الثالثة التول أطلع بها كروس لفوق.
    4 - أجيب الطرحة الشيفون اللي عملتها من نصف رأسي للوراء.
    5 - أرجع تاني وأقفل (كروس) وأنزل كأني أدخلت الشيفون وقفلتها من المنتصف.
    الشكل هيظهر عندي كالتالي:
    6 - اللون الأول قفلت بيه شعري.
    7 - بعدين طلعت بالتول كروس.
    8 - وبعدين قفلت من النصف بلون ثاني شيفون.
    9 - وكده هيكون شكل الألوان متداخلة. وقفلت المنطقة الأمامية.

    بعد كده أعمل إيه؟!
    10 - هتكون عندي الأطراف للوراء.

    أعمل فيها إيه؟
    11 - لو وجهي مليان تكون الأطراف للوراء.
    لو وجهي رفيع أجيب الأطراف للأمام.
    لو جسمي قصير أرفع الأطراف لفوق.
    لو جسمي ط*** أنزل بالأطراف لتحت.


    فيه بنات كتير بتحب تلبس طرحة واحدة. تربطها ازاي؟
    دي ليها أكتر من طريقة:

    الطريقة الأولى:
    تربطها عادي جدا من الخلف وبعدين تجيب الطرفين على قدام وتربطهم كأنهم زي (الإسكارف أو الكوفية) وتمسكهم بإكسسوار من النصف وممكن تلبس بندانة.


    الطريقة التانية:
    تربط الطرحة من الخلف وتجيب الأطراف لقدام على شكل حلزوني وتربط أطرافهم بإكسسوار أو شريطة.

    طيب والبنات اللي بتحب تلبس أكتر من طرحتين.. الربطة تكون ازاي؟
    تعمل طرحة واحدة عدلة وتطلع بواحدة كروس والثانية عدلة أو تلبس بندانة والطرحتين كروس، يعني تضعها بطريقة مائلة وتربطها من الخلف.. والطرحة الثانية تكون عكس الكروس الأول وتربطها بطريقة مائلة من الخلف وممكن تعمل كمان من الأطراف كروس عكس الكروسات الأولى.

    البنت المصرية بتحب الربطة الخليجي.. تعملها ازاي؟
    1 - تجيب بندانة وتلبسها كويس على رأسها.
    2 - تجيب الطرحة وتلفها وتكون من الناحية اليمين قصيرة ومن الناحية الشمال ط***ة.
    3 - وتربطها بدبوس وتكون (مرحرحة).
    4 - بعد كده تجيب الطرف الشمال وتلف الطرحة على الرأس بشكل ...على الرأس بشكل طرفين.
    5 - وبعد كده الناحية القصيرة تتركها على كتفها وتجيبها من الخلف إلى الأمام.


    واللفات المغربي والهندي بتكون شكلها ازاي؟
    اللفات دي بتكون غير ثابتة ولفها بيكون بطريقة عشوائية وتكون مطابقة لشكل العبايات لأن المغاربة بيحبوا يلبسوا عبايات وتكون خامة الطرحة نفس خامة العباية ويضعوا إكسسوار على الطرح وبيعملوا أكثر من لفة وينفشوها


    الربطة المنفوشة أعملها ازاي؟
    1 - أجيب طرحة وأربطها من الخلف إسبانش.
    2 - الطرحة الثانية نجيبها لقدام.
    3 - الطرحة الثالثة تكون منفوشة ونربط طرف منها على فوق والطرف الثاني على الكتف.
    4 - الناحية العريضة نرفعها لقدام كأنه شال.

    ما الألوان المتناسقة مع بعضها وتكون موضة؟
    الفوشية مع الأحمر، والأورانج والبني، والموف مع الأصفر والتركواز. . وأنا في رأيي إن معظم الألوان تتناسب مع بعضها لكن المهم اختيار الدرجة.. يعني درجة معينة مع الأصفر ودرجة معينة مع التركواز وتداخل الألوان يحتاج تركيز ويعتمد على الإحساس الشخصي.

    لو مش عاوزة ألبس الطرحة نفس لون البلوزة أعمل إيه؟
    لو البلوزة أورانج مثلا ممكن ألبس طرحة زيتي أو بصلي أو أكثر من لون بس يكونوا مناسبين للون البلوزة


    ازاي أنسق الإكسسوار مع الطرحة؟
    يعني مثلا لو البلوزة صفراء ممكن ألبس طرحة تركواز والإكسسوار يكون تركواز أو تركواز في أصفر. ولو البلوزة زيتي ممكن الطرحة تكون صفراء والإكسسوار أصفر في زيتي، ولو البلوزة بيضاء فكل الألوان تتناسب معها، والإكسسوار ات تكون ملونة ومتداخل فيها ألوان كثيرة..


    __________ _______



    بدون كتر كلام .. نشوف الاول انواع الطرح اللي ممكن نشتريها

    وتدينا شكل جميل في اللبس





    أولاً نصيحتي لكل البنات المحجبات وخصوصاً البنات الجديدة في الحجاب إنهم يشتروا مقاسات مختلفة من الطرح، وموجود دلوقتي في السوق طرح جاهزة مستطيلة ومربعة ومثلثة، وكمان فيها حركات وشراشيب وخرز وأحجار ورسومات، ودي بتساعد إن الربطات تكون حلوة وشيك واستايل؛ بالإضافة إلى أن الباندانات دلوقتي منها أشكال ومساحات مختلفة وألوان كثيرة.

    وإيه الحاجات الأساسية اللي البنات لازم تعرفها لما تربط الطرحة؟

    أول حاجة لازم تعمل شعرها كحكة وتلبس باندانة قطن كاملة على رأسها لأنها مفيدة وبتمنع تساقط الشعر، وتحاول تجيب دبابيس صغيرة جداً، وتلف أي طرحة على كحكة رأسها كويس أوي علشان اللفة تكون مظبوطة, والربطات تكون بسيطة, والطرح لا تزيد عن طرحتين، وتستخدم الباندانا كبديل عن الطرحة الأولى, وتحاول تبعد عن الألوان الكثيرة والرسومات الضخمة.

    وإزاي البنت تربط الحجاب بتاعها بطريقة تناسب حجم وجهها؟

    في قواعد أساسية لازم البنت المحجبة جديد تعرفها علشان شكلها يكون كويس والحجاب يخلي شكلها صغير...

    لو جبهتها عريضة.. تربط الطرحة فوق حواجبها.

    لو جبهتها صغيرة.. تربط الطرحة في آخر القورة.

    لو ملامح وجهها فيها عيوب.. مثلاً الأنف كبيرة شوية تحاول تبعد عن اللفات الاسبانش أو الطرحة الماسكة على وجهها، وتحاول تعمل ربطة منفوشة وتحط إكسسوار على الطرحة، وتحاول تشغل عيون الناس عن إنها تركز على منطقة الأنف.

    ونفس الحكاية لو الشفايف كبيرة الطرحة تكون منفوشة وتعمل ماكياج كتير على عينها، وتكتفي بملمع بسيط جداً على الشفايف..

    إيه لفات الطرح اللي بتناسب أحجام الوجه المختلفة؟

    في حالة الوجه البيضاوي.. فمعظم الربطات تتناسب معاه، يعني الربطة الاسبانش أو الربطة اللي على جنب أو الكروس أو المقفولة من قدام.

    في حالة الوجه المدور.. تبعد عن لفة الطرح على جنب لإنها بتزيد من مساحة الخدود، وتحاول تعمل ربطة زي شينيو عالي علشان تخلي الوش رفيع.

    في حالة الوجه المربع أو المستطيل.. تحاول تنزل بالطرحة وتقفل الجبهة وتعمل كمان كروس طرحة عكس الثانية.

    في حالة الوجه الط***.. تعمل الطرحة على تحت ونقصر الجبهة وتعمل الربطات على وراء وعلى جنب.

    يعني دي قواعد عامة لكن في النهاية إحساس البنت بعد ربطة الحجاب هو اللي بيدل على إن اللفة دي مناسبة معاها.


    وإيه الموضة الجديدة في أشكال ونقشات الطرح؟

    الموضة السنة دى إن الإيشاربات تكون خفيفة وقصيرة؛ يعني فيه إيشاربات مربعة مجرد تانية على تانية بيكون زي شكل المنديل، وميزته أنه خفيف جداً والموضة كمان الإيشاربات المثلثات لإنها بتسهل كثير على البنات أنها تربط الحجاب كويس..

    فمثلاً لو الوجه رفيع.. تجيب الإيشارب المثلث وتربط الطرفين اليمين والشمال وتكون الأطراف نازلة على الظهر ممكن تجيبهم على الجنب.

    ولو الوجه مليان تعمل الربطة على ورا.

    معظم البنات دلوقتي عايزين يصغروا وجههم لما يلبسوا الطرحة يعملوا إيه ويكون بطريقة إستايل؟

    أفضل طريقة لتصغير الوجه وخصوصاً البنات الصغيرة هي فكرة الكروس، يعني إيشارب موجود على الرأس، والثاني يكون مواجه له بالعكس، والكروس بيقسم الوجه ويخفف من حدة الجبهة العريضة.

    وفي طريقة تانية لتصغير شكل الحجاب، وهي إنك بعد ما تربطي الطرحة تجيبي طرف من الطرحة وتسيبيه ينزل على الكتف مع جزء من الوجه ويبقى كده قصرت وصغرت جزء من الوجه.

    عايزين نتعرف على ربطات سهلة وبسيطة وتناسب كل البنات؟

    دلوقتي هاقدم لكم لفة بسيطة..

    وهي اللفة الموف على الفستان الموف في الأبيض وطريقتها سهلة جداً.

    تجيبي طرحتين واحدة ساتان موف، وفيها شراشيب، والتانية نفس اللون لكن نقشتها مختلفة، وتستخدم كاسكارف على الرقبة.

    وطريقة اللفة..

    تجيبي الطرحة الساتان - اللي فيها شراشيب، وتربطي ناحية ط***ة وناحية قصيرة حول كحكة الشعر من وراء، وبعد كده تجيبي الطرف الط*** اللي على اليمين وتقلبيها على الرأس، وكإنها طرحة عادية تنزل على الناحية الثانية مستريحة من غير ما أضغطها بدبابيس, أما الطرف الشمال هيكون نازل على الكتف من وراء.

    وبعد كده تجيب الطرحة الاسكارف وتلفها على الرقبة وتداري بها منطقة الرقبة وشكلها يكون مكمل للطرحة الرئيسية.





    وطريقة الكروس أعملها إزاي؟

    أولاً إحنا اتفقنا إن بداية أي ربطة لازم ألم الشعر على كحكة؛ لإنها بتسهل ربطة أي إيشارب بعد كده...

    ـ تجيبي طرحة مستطيلة وتربطها كويس على الكحكة.

    ــ تجيبي طرحة تانية مستطيلة وتلبسيها من وراء بطريقة خلفية وتعملي لها كروس على قدام.


    ـ بعد كده تلمي كل الأطراف، المهم مع بعض على وراء، وأشوف بعد كده استخدمهم في إيه.

    وفيه دلوقتي كمان بندانا كروس جاهزة لكن الإيشاربات بتكون أشيك.

    عايزين نتعرف على لفه سهلة لا تحتاج دبابيس كثير؟


    فيه لفة مش محتاجة لدبابيس زي اللي موجودة في الصور، ومكونة من طرحتين لونهم برتقالي × مسطردة، وفي الأول هي محتاجة طرحتين, الطرحة الأولى مستطيلة لونها برتقالي.

    والطرحة الثانية ط***ة وتكون قطن خفيف أوي ولونها مسطردة.

    وطريقة اللف سهلة أوي...

    نربط الطرحة الأولى البرتقالي من وراء على كحكة الرأس زي ما اتفقنا، ويا ريت كمان نرفع الشعر لفوق على شكل شينيو علشان يكون عامل زي الصورة بالظبط.

    بعد كده أجيب الطرحة القطن وأحطها في الأول على شكل كوفيه حول الرقبة.

    وبعد كده أطلع بطرف الطرحة من وراء على الشينيوه العالي.

    أنزلها على الجنب اليمين بطريقة عشوائية يعني مش مربوطة بإحكام.

    وبعد كده الطرف الثاني ألفة على الرقبة بطريقة الاسكارف وفي النهاية أكون عملت شكل (انسيابي) للطرحة وبسيط ومش محتاج دبابيس ولا حاجة.







    وإيه الأفكار البسيطة والمناسبة للإيشارب المثلث؟


    أنا عاملة نموذج للإيشارب المثلث بطريقة بسيطة وتناسب الصبح ولونه أبيض x أسود وهو عبارة عن طرحة مستطيلة سوداء وإيشارب مثلث أسود × أبيض.

    وطريقة اللفة

    أربط الطرحة المستطيلة السوداء أوي على كحكة الشعر.

    بعد كده أجيب الإيشارب المثلث وأربطه على الطرحة المستطيلة من وراء.

    وميزة الإيشارب المثلث إنه بيكون قصير وبسيط وعلشان كده من الأفضل إنه يتلبس على بلوزة (هاي كول) علشان تغطي منطقة الرقبة.




    فيه بنات كتير بتحب تلبس طرحة واحدة... إزاي تربطها بطريقة استايل وبسيطة؟

    أنصح البنات اللي عايزين يلبسوا طرحة واحدة لازم يختاروا فيها شغل وحركات علشان تساعدهم في إن اللفة تكون روشة.

    وطريقة اللفة

    أجيب طرحة صوف وأثبتها من قدام وأربطها من وراء بدبوس (بمعنى أقابل الطرف اليمين والشمال مع بعض بدبوس)، وده عكس الطرح التانية مش هاربطها على الكحكة لإن القماش الصوف (سميك أوي)

    وبعد كده أمسك طرف منهم من وراء وأطلع به على الرأس من قدام وأنزله على الجنب.



    وبعد كده أمسك الطرف الثاني وأجيبه خلف خلاف الطرف الأول، واللي هيكون فيه شراشيب وأدخله من تحت الطرحة.







    ما الألوان المتناسقة مع بعضها وتكون موضة؟




    الفوشية مع الأحمر، والأورانج والبني، والموف مع الأصفر والتركواز. . وأنا في رأيي إن معظم الألوان تتناسب مع بعضها لكن المهم اختيار الدرجة.. يعني درجة معينة مع الأصفر ودرجة معينة مع التركواز وتداخل الألوان يحتاج تركيز ويعتمد على الإحساس الشخصي.








    لو مش عاوزة ألبس الطرحة نفس لون البلوزة أعمل إيه؟


    لو البلوزة أورانج مثلا ممكن ألبس طرحة زيتي أو بصلي أو أكثر من لون بس يكونوا مناسبين للون البلوزة







    ازاي أنسق الإكسسوار مع الطرحة؟


    يعني مثلا لو البلوزة صفراء ممكن ألبس طرحة تركواز والإكسسوار يكون تركواز أو تركواز في أصفر. ولو البلوزة زيتي ممكن الطرحة تكون صفراء والإكسسوار أصفر في زيتي، ولو البلوزة بيضاء فكل الألوان تتناسب معها، والإكسسوار ات تكون ملونة ومتداخل فيها ألوان كثيرة..
    ...











    عايزين نعرف طريقة ثانية لربط ثلاث طرح وتكون روشة؟





    1 - الطرحة الشيفون أول طبقة.


    2 - الطرحة الثانية أجيبها من نصف رأسي بالطول.


    3 - الطرحة الثالثة التول أطلع بها كروس لفوق.


    4 - أجيب الطرحة الشيفون اللي عملتها من نصف رأسي للوراء.


    5 - أرجع تاني وأقفل (كروس) وأنزل كأني أدخلت الشيفون وقفلتها من المنتصف.




    الشكل هيظهر عندي كالتالي:


    6 - اللون الأول قفلت بيه شعري.


    7 - بعدين طلعت بالتول كروس.


    8 - وبعدين قفلت من النصف بلون ثاني شيفون.


    9 - وكده هيكون شكل الألوان متداخلة. وقفلت المنطقة الأمامية.




    بعد كده أعمل إيه؟!




    10 -هتكون عندي الأطراف للوراء.




    أعمل فيها إيه
    ؟




    11 - لو وجهي مليان تكون الأطراف للوراء.

    لو وجهي رفيع أجيب الأطراف للأمام.

    لو جسمي قصير أرفع الأطراف لفوق.

    لو جسمي ط*** أنزل بالأطراف لتحت.







    ربطة الطرحة السواريه تكون عاملة ازاي؟








    الأفضل تكون أكثر من طرحة وفي البداية:



    1 - أبدأ الأساس بالطرحة الشيفون.


    2 - بعدين أضع الطرحة التول عشان بيعطي للبنت شكل فخامة.


    3 - وبعدها أضع إكسسوار زي (شريط ستان – سلاسل خرج النجف) أو قطعة من الفستان.


    4 - وبعدها أقفل الطرحتين بأكثر من طريقة ممكن الشيفون والتول مع بعض لقدام أو المهم مع بعض كلهم شنيوه عالي لفوق.





    عايزين نعرف طريقة ستايل لربطة التول والشيفون؟



    1- أجيب الطرحة الشيفون أربطها على شكل كحكة.


    2 - أجيب الطرحة التول وألبسها من الخلف وأعملها كروس على قدام.


    3 - أنزل بيهم تاني للخلف وكده هيعطيني شكل البندانة.


    4 - بعد كده ألمهم كلهم مع بعض على تحت الشيفون مع التول.









    عايزين طريقة لفة طرحة تكون روشة؟




    1- نجيب إيشارب واحد نربطه من الخلف طرف ط*** وطرف قصير.


    2 - الإيشارب الثاني نمسكه بطريقة مائلة ونربطه من الخلف.


    3 - كده أصبح عندي أربعة أطراف في الخلف، 2 قصيرين و2 طوال.


    4 - بعد كده أجيب واحد من الطرفين الطوال وأطلع بيه عدل وأربطه تاني للخلف.


    5 - كده المنظر أو الشكل عدل بميل واللي بعده عدل.


    6 - هيكون باقي عندي طرف ط*** وطرفين قصيرين.. في هذه الحالة ممكن أجيب الطرف الط*** ألفه على الكحكة وأجيب الثلاثة أطراف على قدام.


    7 - لو الأطراف ط***ة أعملهم ضفيرة لقدام أو على الخلف.


    8 - وممكن فكرة ثانية أجيب الطرف الط*** ألفه على الطرفين القصيرين وأمسكهم في النصف بإكسسوار على كحكة من وراء.


    9 - إذن المنظر في النهاية هيكون من قدام عدل ومائل ومن الظهر الأطراف عاملة زي (ذيل الحصان) ومربوطة بإكسسوار.







    هل ربطة الطرحة الإسبانش تراجعت شوية؟




    أيوه الربطة الإسبانش تراجعت وأصبحت منتشرة حاليا الربطة المنفوشة وخصوصا الطرح الصوف المنقوشة ونازلة على الظهر كله وجود أكثر من طرحة مع بعض.



    ..

    ودي طرحــة لامعـة .. في الاول كانت موضة في الليـل بس

    لكن دلوقتـي موضة بالليــل وبالنهـار كمــان








    منـنـساش كمـان ان طرحـة الاسكارف نازلة مــوضة شديدة جداا الايام الجاية







    .
    يارب تكون عجبتكم بس قولوا تعليققم
    احذر عدوك مرة وصديقك ألف مرة فإن انقلب الصديق فهو أعلم بالمضرة

  2. #2
    عضو الصورة الرمزية تملى غتيت
    تاريخ التسجيل
    Jun 2009
    المشاركات
    269

    افتراضي رد: طرق لف الطرح بالصور

    شـكــ وبارك الله فيك ـــرا لك ... لك مني أجمل تحية .

  3. #3
    عضو
    تاريخ التسجيل
    Apr 2009
    الدولة
    ............................
    المشاركات
    5,905

    افتراضي رد: طرق لف الطرح بالصور

    راائع جدا

  4. #4
    VIP الصورة الرمزية هيرمونى جرينجر
    تاريخ التسجيل
    Mar 2009
    الدولة
    Gryffindor @ Hogwarts
    المشاركات
    5,241

    افتراضي رد: طرق لف الطرح بالصور

    شـكــ وبارك الله فيك ـــرا لك ... لك مني أجمل تحية .
    No OnE CaN ChAnGe MY Life :wink:
    OnLy ME I CaN:wink:

  5. #5
    مدرس التاريخ والجغرافيا للمرحلة الثانوية الصورة الرمزية مستر احمد يحيى
    تاريخ التسجيل
    Mar 2009
    المشاركات
    6,302

    افتراضي رد: طرق لف الطرح بالصور

    شـكــ وبارك الله فيك ـــرا لك ... لك مني أجمل تحية .

  6. #6
    طالبة 2/ث الصورة الرمزية Roka Love
    تاريخ التسجيل
    Sep 2009
    الدولة
    البحيرة طبعا أحلي محافظة في مصر
    المشاركات
    180

    افتراضي رد: طرق لف الطرح بالصور

    شـكــ وبارك الله فيك ـــرا لك ... لك مني أجمل تحية .

  7. #7
    VIP الصورة الرمزية eng.sandy
    تاريخ التسجيل
    Feb 2010
    الدولة
    عالم الوحده
    المشاركات
    684

    افتراضي رد: طرق لف الطرح بالصور

    رااااااااا ئع بس لييييييييه الولاد دخلو
    سؤال وجيييه؟؟؟
    اضع كتاباتي بين ايديكم و لا اتبع اسلوب منقول , انتم الذين تقررو مصيرها اذا كانت تستحق القرائه ام انها مجرد عبث
    __________ __________ __________ _________


  8. #8
    VIP مشرفة قسم طيور الجنة الصورة الرمزية يا رب طب
    تاريخ التسجيل
    Mar 2010
    المشاركات
    2,998

    افتراضي رد: طرق لف الطرح بالصور

    شكرا
    موضوع جميل اوى

  9. #9
    عضو الصورة الرمزية رنين
    تاريخ التسجيل
    Nov 2009
    الدولة
    في عالمي الخاص الخيالي وانتو عارفين الخيال ده احسن حاجه
    المشاركات
    911

    افتراضي رد: طرق لف الطرح بالصور

    جميله جدا بس انا مبلفش الطرحه كده يلا مش مهم المهم انهم فعلا حلوين شكرا ليكي جدا
    اوعي المظاهر تخدعك ولا كلمه حلوه توقعك ولا صاحب ندل يضيعك ولا عيشه مره تغيرك ولا قلب عشقته يحيرك ولاناس حبتها تدمرك ولا غربه صعبه تكسرك ولا حبيب مخلص يخسرك ولا دمعه حزن تسهرك ولا كلمه تقولها تصغرك دي الدنيا لحظات والعمر ساعات والزمن مسافات والحب كلمات والغدر علامات

  10. #10
    VIP الصورة الرمزية Moo0oon Light
    تاريخ التسجيل
    Apr 2009
    الدولة
    عروس الصعيد
    المشاركات
    3,955

    افتراضي رد: طرق لف الطرح بالصور

    شكلهم حلو بس حاسه انهم صعبين شوية
    شكرا يا عسل
    إن ذات مرة رأيتم اسمى وتذكرتونى. .!!
    ...إسألوا ليَ الخير...




صفحة 1 من 2 12 الأخيرةالأخيرة

المواضيع المتشابهه

  1. تدريب على الطرح بالاستلاف
    بواسطة دكتور أميرة مراد في المنتدى الرياضيات
    مشاركات: 30
    آخر مشاركة: 11-20-2013, 01:22 PM
  2. 2 ابتدائى رياضيات الجمع و الطرح
    بواسطة دكتور أميرة مراد في المنتدى الرياضيات
    مشاركات: 12
    آخر مشاركة: 10-03-2013, 10:32 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •