اعذرني...م ش لاقية طريقة أصالحك بيها غير اني أقول للدنيا كلها اني بحبك وغلطت في حقك وعاوزاك تسامحني..

[دكتور أميرة مراد]

"اعذرني... مش لاقية طريقة أصالحك بيها غير اني أقول للدنيا كلها اني بحبك وغلطت في حقك وعاوزاك تسامحني"

جملة حلوة قوووي..يا سلام لو كلنا استخدمناها ..مش شرط بين واحد وواحدة..او بمعنى تاني مش لازم تبقى من باب الرومانسية ..
يعني دي تنفع بين اي اتنين بيحبو بعض..اخوات ..اصحاب..ز ملاء..أزوا ج..انشالله جيران..

مش عيب نعتذر..ومش عيب نحاول بأقصى جهدنا نرجع اللي بنحبهم لو زعلانين مننا..قد ايه بتكون بداية لطيفة حتى لو مش حاسين اننا غلطانين وبتعمل فرق كبير في علاقتنا بيهم..

بلاش نسيب المشاكل للوقت يحلها..كل ما كان الصلح بأسرع وقت ممكن كل ما كان أفضل وقبلنا قالو " كتر الخصام بيعلم الجفا "
وقد ايه الجفاء في المعاملة وحش قووي..

يا ريت الموقف مش يتعدى وقته ورد فعلنا عليه يخلص بمجرد ما نتفاهم..وم ش نسيب حاجة تتراكم في نفسنا من ناحية حد..

كنوز..والله اللي بنحبهم وبيحبونا كنوز صعب نلاقي زيها تاني...

مين فينا مش محتاج لحد حنين عليه وبيهتم بيه وبيسأل عنه؟؟

على قد ما بنحب بعض..على قد ما العتاب هيصفي نفوسنا وهيخلينا نقتل الخلافات بيننا..

لو بنحب الشخص دا..هنعاتب ه..مش هنقدر على زعله..

لو بنحبه ومزعلينه وعارفين اننا غلطانين في حقه هنقوله::

خلينا نتفاهم..ان ا اسف متزعلش مني..انا غلطت في حقك..مستعد اتغير عشان ارضيك..مست عد اعمل اي حاجة عشان احافظ عليك

كل اللي طالبه منك نتفاهم..كل اللي عاوزه مش تغيب عني..مش طريقتنا اننا نسكت وكل واحد مستني التاني يبدأ..

ايه المانع نقول كدا؟؟ مش يقلل مننا ابدا.. بالعكس دا لو الانسان دا بيحبنا بجد كلامنا دا هيرفعنا في نظره اكتر واكتر وخصوصا لو حاسين اننا فعلا غلطانين وانه عنده حق..ساعات بيكون اللي بنحبهم محتاجين كلمة حلوة..ابتس امة..شوية اهتمام...انشالله حتى وردة..

انا شخصيا كاتبة الموضوع دا بناء على موقف حصلي انا وبأقدمه هدية لشخصية بحبها وعارفة اني غلطت في حقها والجملة دي بقولها لها و مستعدة اقولها كل دقيقة عشان مش تزعل مني لحظة واحدة لان زعلها غالي عليا قوي..ومجرد اني اشوفها متدايقة سواء مني..من تصرفاتي او حتى متدايقة من غيري باتدايق انا كمان...الش خصية دي هي اللي علمتني معاني التسامح والحب والحنان..

"اعذرني... مش لاقية طريقة أصالحك بيها غير اني أقول للدنيا كلها اني بحبك وغلطت في حقك وعاوزاك تسامحني"

مستنية آراءكم وعاوزة كل واحد يقول لو عنده خلاف مع حد بيحبه يا ترى طريقته في انهاء الخلاف ازاي؟؟ وبيقول ايه؟؟ وهل شايف ان الاعتذار ممكن يقلل منه ولا لأ؟؟


تحياتي...

" أميرة "

[sara asem]

رووعة بجد يا اميرة وكلام كله حكم والله وكل اللي قوتليه ف محله وياريت فعلا كلنا نكون كدة او حتي نحاول نكون كدة ونبدأ احنا بالصلح وبلاش الافكار اللي مش منها فايدة بتاعت ..مش انا اللي غلطت وهو او هي اللي لازم تبدا بالصلح كل دا كلام مش هيجيب فايدة بل بالعكس دا هيعقد الموضوع اكتر .. ومعني التسامح دا معني رااائع بكل اكثر من رائع وفي مواقف كتير قابلتني كل ماكنت متسامحة كل ماكنت بلاقي عواقب جميلة اوي بتعود بالسكينة والراحة عليا وعلي غيري .. وكل ماكان فيه شحناء وجمود ف المعاملة كل ماكانت العواقب مؤلمة سواء ليا او لغيري ..
كنوز..والله اللي بنحبهم وبيحبونا كنوز صعب نلاقي زيها تاني...

عجبتني اوي الجملة دي يا اميرة فعلا حب الناس لبعضها من غير مصالح شخصية اجمل حاجة وانقي احساس وكنز مش يتقدر بثمن ..
ومرة تانية بقولك موضوعك روووعة وتسلم ايدك عليه

[أستاذه / أمنية وجدي]

نعم هذا هو الخلق
وهذا هو اعتدال النفس وحديثها الصادق
دعونا نتعلم منها كيفية الاعتذار
ولماذا الاعتذار؟
هذا هو الشخص المناسب لتقديم الاعتذار إليه
دون أن يجرح مشاعر الإنسان بداخلى
هذه الروح الصافية الصادقة
تستحق أن أحبها واعتذر إليها
تعلمنا منك اليوم درسا صادقا
فى التسامح مع النفس والتصالح معها
أصفق لهذا الموضوع
ولهذه الروح التى أجدها فى أسرتنا الجميلة

[helalboy2]

الله الله والله العظيم كلم لا يعلى عليه وده دايما اللى انا بتكلم فيه ولاكن..... .......... .......... ...!!!!!!! !!!!!!!

[عبدالله محروس]

الله
مش ممكن جمال الموضوع يا مرمر
حقيقي تحفة
ايه رأيك لو اخذنا من موضوعك فكرة
ان كل واحد يقول لنا عن تجربة شخصية حصلت معاه
انه حد عزيز عليه اوي كان زعلان منه
وهو كان حريص جدا انه يرجعه
وماهي الطريقة اللي رجعه بها
ونبدأ بكي باعتبارك صاحبة الموضوع
بانتظارك

[Sugar]

اولا بحييكى على الموضوع الجميل ده
ثانيا أنا مش شايفة إن الإعتذار هيقلل من قيمة الإنسان
بل أنا شايفة إن ممكن يكون بيرفع من شأنه
وده أكيد

[احساس طفلة]

بجد تووووووحفه جدا يامرمر
دائما مواضيعك هادفه ورائعه

[دكتور أميرة مراد]

متشكرة جدا يا جماعة(سارة _سكر_مدام أمنية_مستر عبدالله_إح ساس طفلة_محمد هلال)..
ردودكم أسعدتني جدا وبجد كلكم عندكم حق..
أما عن فكرة مستر عبد الله فأنا هبدأ بنفسي وهحكي الموقف وانتظروه مني في المشاركة الجاية لإني داخلةموباي ل وبكتب بصعوبة وكمان ساعتين هدخل من الجهاز..ان ما ليا تعليق عاوزة أقوله..ان مش كل الناس بتقدر اعتذارك دا..مش كلهم متسامحين.. ومش كلهم بيغفروا بسرعة..وبج د مش عارفة هل دا دليل ان حبهم لنا أقل من حبنا لهم ولا إيه؟بس برغم دا أنا لسه متمسكة بمبدأي اللي عاملة عشانه الموضوع وشايفة اننا المفروض بنتعامل بأخلاقنا من غير ما ننتظر مقابل..وان تظروا مني المشاركة الجاية وأنا منتظرة تفاعلكم..ت حياتي

[mohamed ahmed]

فعلا يا اميرة عندك حق مش عيب نعتذر العيب اننا نزعل دايما من بعض نتفرق كتير من اتفه الاسباب

كمــــــــ ـــــــان فى ناس كتير تكون اصعب كلمة يقدرو يقولها هى اسف اتمنى اننا تكون اسهل كلمة لازم كلنا نتاسف لعض على خطأ فى حق الغير اتمنى ان نكون كلنا متسامحين ويسود الحب والود

[عبدالله محروس]

أوكي بانتظارك يا مرمور