فضفض وسرك في بير

[Florenda]

اوك عامه الموضوع جميل وعجبنى فكرته كمان بس انا الحمد لله مافيش مشاكل عندى الحمد لله اتحلت كلها
وانا مرتاحه وحالتى النفسيه كويسه وراضيه عن نفسي الحمد لله
بس خايفه وقلقانه شويه اليومين دول لان جدى ح يعمل عمليه وبجد انا بحبه اوى فيارب يشفيه ويعافيه
محتاجه دعواتكم ليه بالشفاء يااااااااا اااااااااا ااااااارب يقوم منها بالسلامه وعلى خير ان شاء الله
ربنا يشفي كل مريض

[الحجاب الحجاب]

امين يارب اللهم اشفيه ويارب يخليكي في سعاده دائمه باذن الله

[**ريتاج**]

هوا بصراحه موضوع جميل جدا وفكرته اجمل كمان
وانا بحييكى عليها كمان

[الحجاب الحجاب]

ده بس من زوقك والموضوع عمره ما يكون جميل بدون ردودك وردود الاعضاء

[**ريتاج**]

اوك
انا الحمد لله مفيش عندى مشاكل او اقدر اقول عندى
بس فى ناس بتستسلم لاحزانها ومشاكلها وناس بتحاول تحل مشاكلها ولو معرفتش بتعديها وده بتمنى انه يكون فى كل الناس
وبتمنى لكل الاعضاء وكل الناس يبقو دايما مشاكلهم تتحل ويبقى سعداء باذن الله

ونصيحه لكل اخواتى واخوانى لو فى عندكو اى مشكله ايا كانت صغيره او كبيره متستسلمش وحاول تحلها وسيبها على ربنا
هوا القادر على كل شىء وهوا اللى باديه كل حاجه

[الحجاب الحجاب]

طب اوك اتفضلي بعرض المشكله وباذن الله ليها حل

[**ريتاج**]

اوك
هيا مشكلتى بسيطه جدا وعاديه وصراحه يعنى مفيش حل ليها عشان كدا انا سيباها على ربنا بس اقدر اقولها عادى

انا عندى صحابى كتير يعنى ماشاء الله
انا مش بفرق بينهم فى حاجه الحمد لله
بس عندى واحده صحبتى منهم يعنى انا مسمياها غيره
مش عارفه صراحه
مش بتحبنى اتكلم معاهم كتير
لو كلمت واحده فيهم حبه او انشغلت عنها شويه تزعل منى
لو عرفت انى حكيت لحد حاجه ومش قولتلها الاول تزعل
انا بصراحه اتخنقت شويه عشان مش بحب اعمل فرق بين صحابى
وهيا عايزانى اكلمها لوحدها واحكيلها لوحدها
بس قللت كلامى معاها عشان احاول اغير من غيرتها دى شويه
بس هيا زعلت منى ومش عارفه اعمل ايه

[الحجاب الحجاب]

بصي يا ستي هي اكيد بتحبك ومش عارفه تعبرلك ازاي وهو ده الحب من وجهت نظارها انتي لازم تعرفيها باسلوب هادي وبدون ما تجرحيها يعني تقوليلها انتي صحبتي وانا بحبك زي ما انتي بتحبيني بالضبط بس بصراحه الطربقه دي بضايقني وانتي اكيد عارفاها اكتر مني وعارفه الطريقه اللي بتحبها في الكلام ومش لازم يعني تعرفيها انك حكيتي لحد قبلها ومينفعش خالص انك تبعدي عنها لان في شخصيات لما تعنديه تعندك اكتر ارجو ان اكون افدتك وشكرا للمشاركه

[hudaelkady]

الموضوع فعلا جميل وفكرتة مختلفة ولكن انا مش عارفة ممكن يكون فيه تجاوب معاها...يع نى لان فى ناس بتحب الخصوصية وما تحبش تعرض مشاكلها على الملا وعامة انا بحييكى على شجاعتك فى عرض الفكرة

[الحجاب الحجاب]

بصي اولا مرورك هو الاجمل وثانيا انا قلت اللي مش عايز يتكلم علي الملا يتكلم خاص ومفيش مشكله
وشكرا للمرور العطر
والموضوع لا يكون جميل بدون ردودك الاجمل اختي وممكن حضرتك تقولي مشكلتك هنا او علي الخاص وباذن الله هكون معا حضرتك اول باول