فضفض وسرك في بير

[الحجاب الحجاب]

بسم الله الرحمن الرحيم
السلام عليكم ورحمه الله وبركاته
الموضوع يا جماعه باين من عنوانه فضفض عايزين باذن الله نتكلم مع بعض هنا عن مشاكلنا في الحياه سواء كانت دينيه او اسريه او شخصيه او حتي سياسيه يا جماعه والله الدنيا دي قصيره جدا مش عايزين نقصرها اكتر بالهموم عايزين نفضفض عن كل اللي جوانا وباذن الله كل مشكله وليها حل انتم بس اعرضوا المشكله واحنا هانشوف ليها حل باذن الله ولو معرفناش الحل هيكون علي الاقل انك قلت شويه من اللي جواك مع اني متاكده باذن الله ان احنا هنلاقي حل و مش لازم نعين شخص معين هنا لحل المشاكل هنا الكل يتكلم عن اللي جواه ولو انت حاسس ان فيه شخص معين هنا هو ممكن يحلها اتكلم معاه ولو عايز تكلمه هو بس هيكون عن طريق الرسايل الخاصه بس طبعا بعد موافقته هو
الشروط
الشروط يا جماعه ان لازم نحتفظ بادب الحوار وعدم التجريح لشخص معين والكلام يكون بما يليق بالدين الاسلامي الحنيف
يارب الموضوع يعجبكم والموضوع يا جماعه مش منقول دي فكرتي ارجو المشاركه والتفاعل واسفه علي الاطاله وارجو من الاداره تثبيت الموضوع
واتمني من الله ان يرح قلوبنا ويخفف همومنا اللهم امين
والسلام عليكم ورحمه الله وبركاته
في رعايه الله وامنه

[∫Ξ∫professor∫Ξ∫]

احب اكون اول واحد يرد على الموضوع الراائع دة
وهى والله فكرة جميلة وانا كنت فكرت مرة ان انا اعمل الموضوع دة بس رجعت فى كلامى تانى
لان كل المواضيع اللى بتتعمل فى المنتدى مش فية حد بيرد عليها الا واحد او اتنين بكتير اوى
وكل اللى بيدخل مش بيرد الا على اول خمس مواضيع فى منتدى الموضوعات العامة
علشان يبين ان هو مخنوق مضايق من الدنيا واللى فيها ومش طايق حد وكل اللى الناس اللى يعرفهم ظلمينة
مش عارف لية والله وانا اسف طبعا ان انا قولت الكلام دة بس دة اللى انا شايف ويارب يكون غلط

بس كويس ان انتى عملتية يا اخت .......
ويارب يكون فية تفاعل من باقى الاعضاء وشكرا ليكى على الفكرة

[الحجاب الحجاب]

علي فكره يا اخي ده نفس شعوري وده سبب ترددي اني اضع الموضوع لان الفكره دي معايا من فتره وشكرا للمشاركه بس ممكن حضرتك تبدء بارائك في الموضوع وتوضع مشكلتك ونتحدث وباذن الله هما هيدخلوا ويتفاعلوا معانا وشكرا

[∫Ξ∫professor∫Ξ∫]

هههههههههه لاء انا الحمد لله الدنيا زى الفل هى اى نعم ملخبطة بس شغالة
واكيد مش فية حد اسمة مش عندة مشكلة
ممكن تلاقى اتنين عندهم نفس المشكلة بس فى واحد متقبلها وواحد تانى مش طايق نفسة ومضيع الدنيا خالص
زى متكون نهاية العالم او المشكلة دى مش ليها حل

فاممكن يا........ ....(ياريت تقولى على اسمك علشان انا بصراحة زهقت من كل شوية يا...... دى )



تقعدى على الكرسى الجميل دة معلش هو كبير شوية بس عادى يعنى ممكن حد حجمة كبير ي** واحنا مش ضمنين الظروف اية هههههههههه هه

المهم انا حاسس انك عندك مشكلة ويارب تكون خير اتفضلى والمايك معاكى

ونسمع اول مشكلة معانا فى البرنامج اتفضلى

[الحجاب الحجاب]

مش عارفه بصراحه ارد عليك بايه بس احسن حاجه انك تعيش في الضياع زيي كده بالظبط بس للاسف في مشاكل كل ما اطنشها تفرض عليا نفسها تاني وتفكرني بيها وتيجي لحد عندي مع اني بتلاشاها ايه ده انا افتكرت انا عامله الموضوع عشان انتم اللي تفضفضوا مش انا اللي اوجع دماغكم بكلامي ده بس انا لسه مصممه ان حضرتك تحكي لان متاكده ان في مشكله هي اللي مخلياك عايش كده وبتحاول تقول انها مش ماثره معاك وده كدب يا رب احساسي يكون صح وبخصوص اسمي خليه الحجاب لاني مش حابه اقول اسمي ويا ريت تتقبل هذا

[الحجاب الحجاب]

مستنيه الرد او بمعني اصح المشكله وخد الميك واتكلم

[∫Ξ∫professor∫Ξ∫]

يعنى انتى عاوزة تدبسينى وخلاص اوك

هى اولا الحاجة اللى انا ضربت من بعدها الدنيا طناش هى مش حاجة واحدة
هى مجموعة من الحجات وبعدين هى مش مشكلة انا مش عارف اسميها اية
سوء حظ غضب من ربنا بسبب اللى انا بعملة
(هى حجات مش وحشة والله لحد يفتكر انى فاسد ولا حاجة دى كلها حاجات عادية )
المهم ان كل حاجة تحصلى والله ببقة عارف ان انا مظلوم فيها ولقيت كل اما اطلع من مشكلة اتحط فى مشكلة لحد ما اخدت القرار
وقولت (كل لن يصيبنا الا ما كتب الله لنا ) ضربت الدنيا بلغة سورى فى اللفظ
بس هو دا الموضوع اللى علشانة منفض خالص واظن ان الزعل مش بيجيب نتيجة مع اى حاجة

واحب اوجة رسالة لكل الناس اللى بتتفرج علينا دلوقتى ههههههههه
لا تندم على شئ ضاع منك لان الندم لا بيقدم ولا بياخر
بس حاول تصلح الغلط

نسمع بقة مشكلتك

[الحجاب الحجاب]

اولا بص يا اخي انت ممكن تكون شايف اللي بتعمله انها حاجه مش بتغضب ربنا وممكن يكون ده غلط وهي سبب ده كله انت بس لو توضح شويه ممكن اعرف حل لكده لاني مش الحل الهروب لازم نواجه المشكله لاني كنت زي حضرتك كده في الاول لحد ما تعبت واتحجزت في المستشفي بسبب الوحده وانا كنت بتهرب زيك من مشاكلي لحد ما في شخص انا بعتبره ابي قالي ان الهروب مش هوالحل وان لازم نواجه وفعلا طلع عنده حق في كده
انا قلت انا عامله الموضوع عشان اسمع مشاكلكم مش انكم تعطوني اختصار او بمعني اصح تضحكوا عليا وتوهوني معاكم ولو مش عايز تحكي عادي بس احب اعرفك ان والله سرك في بير وعلي العموم وقت ما تحب تحكي هتلاقي اخت واقفه جانبك باذن الله وبخصوص مشاكلي انا قلت اني عامله الموضوع عشان مشاكلكم وبصراحه انا مش لاقيه حد مشارك معايا وبيحط مشاكله عشان انا اتشجع واحطها انا كمان
واسفه علي الاطاله ومستنيه رد حضرتك

[Florenda]

موضوع جميل وتسلم ايدك واكيد انا ح اشارك معاكى فيه بس انا عاوزه افهمكم حاجه ياريت تتقبلوا راى كل الناس اللى فى المنتدى او معظمهم انا عارفهم ودول احسن ناس في الدنيا كلها همه او بمعنى اصح احنا لانى واحده منهم مش زى مانتوا فاكرين ان الحياه وحشه او متلخبطه معاهم لا بالعكس في ناس هنا حياتهم سعيده جدا ومتفائلين خالص وفوق ماتتخيلوا ممكن الفتره دى يكونوا بيمروا بظروف صعبه اللى بتخليهم يميلوا للحزن شويه
وممكن لا
يعنى انا واحده من الناس بحب العبارات الحزينه شويه مع انى مش عايشه حاله حزن مش كل واحد بيكتب حاجه بتكون بتعبر عنه ممكن تكون عجباه مش اكتر وحب ينقلها يمكن تلمس قلب تانى محتاجها تقبلوا رايي وان شاء الله المنتدى يرتفع بالناس الحلوه اللى فيه

[الحجاب الحجاب]

علي فكره هي دي نفس وجهت نظري بس انا مش عامله الموضوع عشان الموضوعات المنشوره انا عملاها بس عشان نفضفض في اي حاجه مش لازم حزن ممكن فرح كمان وممكن استفتاء في امور الحياه وشكرا للمرور